იხილეთ წყარო გვერდისთვის დოესის მინდორი

'''დოესის მინდორი''' — ისტორიული ადგილი [[კასპის მუნიციპალიტეტი]]ს სოფელ [[დოესი|დოესთან]], [[მცხეთა]]-[[ძეგვი|ძეგვ]]-[[ხიდისთავი (გორის მუნიციპალიტეტი)|ხიდისთავ]]-[[გორი]]ს საავტომობილო გზაზე, [[კასპი]]დან 25 კმ-ზე. 
==გეოგრაფია==
ვრცელდება [[ყარაღაჯი (კასპის მუნიციპალიტეტი)|ყარაღაჯიდან]] [[ხიდისთავი (გორის მუნიციპალიტეტი)|ხიდისთავ]]–[[ქვახვრელი|ქვახვრელ]]–[[ხოვლე|ხოვლემდე]]. წარმოადგენს სოფელ დოესის მოსახლეობის მთავარი სამეურნეო ბაზას. უწინ მინდვრის მხოლოდ ქვედა ნაწილი ირწყვებოდა თეძმისა და მტკვრის (გორის) არხებით. თეძმის არხი „მამაპაპური“ იყო, სოფ. [[ახალქალაქი (კასპის მუნიციპალიტეტი)|ახალქალაქიდან]] მოდიოდა და დურსუ ერქვა. მას სათავე ედო სოფ. [[თეძმისხევი|თეძმისხევზე]] (ქონდარიანი). გორის არხი გაიყვანეს 1917–1918 წლებში.
==ბრძოლა დოესის მინდორზე==
[[1638]] წელს დოესის მინდორზე მოხდა ბრძოლა [[როსტომი (ქართლის მეფე)|როსტომსა]] და [[თეიმურაზ I]]-ს მომხრეებს შორის. ეს იყო ერთ-ერთი ეპიზოდი იმ პერიოდში [[ქართლის სამეფო]] ტახტისათვის მიმდინარე მწვავე კონფლიქტისა.

თეიმურაზის მომხრე ფეოდალებმა არაერთხელ მოუწყეს შეთქმულება გამაჰმადიანებულ ტახტის მფლობელს. მათი გამოხდომები მარცხით მთავრდებოდა. [[1638]] წელს თეიმურაზ I-სი მომხრეებმა — ნოდარ ციციშვილმა, [[იოთამ ამილახვარი|იოთამ ამილახვარმა]], [[ზაალ არაგვის ერისთავი|ზაალ არაგვის ერისთავმა]] და ქართლის კათალიკოსმა [[ევდემოზ I|ევდემოზ დიასამიძემ]] მორიგი შეთქმულება მოაწყვეს. თეიმურაზ I-ს სთხოვეს ქართლში გადმოსვლა და ტახტის დაჭერა. შეიკრიბა ლაშქარიც, რომელიც ნოდარ ციციშვილის სარდლობით დოესის მინდორზე დაბანაკდა. თავის მხრივ, როსტომიც დოესისაკენ გამოემართა. ციციშვილმა გადამწყვეტ ბრძოლას თავი აარიდა. როსტომს მხოლოდ იმერელი თავადები — ძმები [[ჩხეიძეები]] შეებრძოლნენ, რომლებიც დამარცხდნენ და ტყვედ ჩაუვარდნენ როსტომს.

==ლიტერატურა==
* ვახუშტი, აღწერა სამეფოსა საქართველოსა, ქართლის ცხოვრება, ტ. IV, თბ. 1973 წ.
* საქართველოს ისტორიის ნარკვევები, ტ. IV, თბ. 1973 წ.
{{სძა|5|155|კახაძე კ.}}
{{ქე|2|?|გვასალია ჯ.}}

[[კატეგორია:საქართველოს ბრძოლები]]
[[კატეგორია:საქართველოს მინდვრები]]
[[კატეგორია:კასპის მუნიციპალიტეტი]]