Grey Goose (არაყი)

მასალა ვიკიპედიიდან — თავისუფალი ენციკლოპედია
ნავიგაციაზე გადასვლა ძიებაზე გადასვლა
Grey Goose
არაყი
Grey Goose vodka bottle.png
ტიპი: არაყი
ქვეყანა: საფრანგეთის დროშა საფრანგეთი
სიმაგრე: 40%
მწარმოებელი: Bacardi
საიტი: greygoose.com

Grey Goose (ქართ. რუხი ბატი) — საფრანგეთში წარმოებული არყის ბრენდი. იგი შეიქმნა 1990-იან წლებში სიდნი ფრანკის მიერ, რომელმაც ბრენდი 2004 წელს მიყიდა ბაქარდის.[1] Grey Goose-ის მეტრ-დე-შე[ა] არის ფრანსუა ტიბო, რომელმაც შეიმუშავა არყის ორიგინალური რეცეპტი კონიაკში, საფრანგეთში.

კომპანიის ისტორია[რედაქტირება | წყაროს რედაქტირება]

Grey Goose შეიქმნა Sidney Frank Importing Co-ის (SFIC) მიერ. სიდნი ფრანკმა, კომპანიის დამფუძნებელმა და აღმასრულებელმა დირექტორმა, იდეა 1997 წლის ზაფხულში შეიმუშავა. Grey Goose-ის იდეა იყო მდიდრული არაყის შექმნა ამერიკული ბაზრისთვის. SFIC-მ ითანამშრომლა კონიაკის მწარმოებელ ფრანსუა ტიბოსთან, რათა გამოეყენებინა ტიბოს უნარები არყის წარმოებისათვის.

კომპანიამ საფრანგეთი შეარჩია ქვეყნის კულინარიული ისტორიის გამო და იმისათვის, რომ განესხვავებინა მათი პროდუქტი აღმოსავლეთ ევროპაში წარმოებული სხვა არაყებისგან. არყის წარმოებისთვის გამოყენებული წყალი მოდის საფრანგეთის ბუნებრივი წყაროებიდან, რომელიც იფილტრება შამპანურის კირქვაში. არაყი მზადდება ადგილობრივი წარმოების ფრანგული ხორბლით. კომპანიამ ასევე შეიმუშავა დაბურული მინის ბოთლი, რომელიც გამოარჩევს მათ პროდუქტს.

1998 წელს რუხი ბატი სასმელის ტესტირების ინსტიტუტის მიერ დასახელდა მსოფლიოში საუკეთესო გემოს მქონე არაყად. საბოლოოდ, 2004 წელს, ბრენდი Bacardi– მ იყიდა, დაახლოებით 2,2 მილიარდ აშშ დოლარად. იმ წელს Grey Goose იყო ყველაზე გაყიდვადი პრემიუმ ბრენდის არაყი შეერთებულ შტატებში.[3] კომპანიამ იმ წელს 1,5 მილიონზე მეტი ყუთი გაყიდა.

პროდუქტის აღწერა[რედაქტირება | წყაროს რედაქტირება]

Grey Goose-ის არაყის შექმნისას გამოყენებული ხორბალი მოჰყავთ პიკარდიაში, საფრანგეთში. გამოხდილი იმავე რეგიონში, პარიზის ჩრდილოეთით და აღმოსავლეთით, დისტილატს შემდეგ გზავნიან კონიაკში, საფრანგეთში, სადაც მას ურევენ წყაროს წყალს და ასხამენ ბოთლებში. Grey Goose-ში გამოყენებული ხორბალი არის ზამთრის რბილი ხორბალი , დათესილი ოქტომბერში და აღებული აგვისტოში, რის გამოც ის დამატებით ოთხი თვის განმავლობაში იზრდება ზაფხულის ხორბალთან შედარებით.

მიუხედავად იმისა, რომ Grey Goose ხორბლისგან მზადდება, როგორც გამოხდილი სპირტი, ის არის გლუტენისგან თავისუფალი.[4] დისტილაციის პროცესში პროდუქტი იფილტრება გლუტენისგან.[5]

არომატები[რედაქტირება | წყაროს რედაქტირება]

Grey Goose პირველი არყია, რომელიც მეტრე დე შეს ტრადიციით მზადდება, რაც საშუალებას აძლებს არომატებს წარმოიქმნას Grey Goose-ის დისტილაციის პროცესში. არაყი მზადდება 100% ფრანგული ინგრედიენტებისგან, არყის არომატული ვერსიების ჩათვლით. მაგალითად, მისი ნაცნობი პარიზელი კონდიტერის მიერ შექმნილმა მსხლის ტარტმა შთააგონა თიბო შეექმნა არყის ახალი არომატი —Grey Goose La Poire-ი.[6]

Grey Goose Le Citron არის არაყი ლიმნის არომატით. Grey Goose Cherry Noir არის არაყი შავი ალუბლის არომატით. Grey Goose L’Orange არის ფორთოხლის არომატი, ერთხელ წარმოებაშეჩერებული და მხოლოდ შეზღუდული დროით უკან დაბრუნებული, Grey Goose La Vanille კი, გამოირჩევა ვანილის, დარიჩინისა და კარამელის არომატით. Grey Goose Le Melon-, კომპანიის მიერ ბოლოს შემუშავებული არომატული არაყი, რომელიც გამოვიდა 2014 წლის ზაფხულში, მზადდება საფრანგეთის პროვანსის რეგიონში მოყვანილი Cavaillon-ის ჯიშის ნესვით.

ფრანსუა ტიბომ განაცხადა, რომ Grey Goose არ გეგმავს არომატული არყების ასორტიმენტის გაფართოებას, რათა თავიდან აიცილოს ორიგინალური გემოს დაკარგვა.

შენიშვნები[რედაქტირება | წყაროს რედაქტირება]

  1. მეტრ-დე-შე (ფრანგ. Maître de chai) — კონიაკის ოსტატი, რომელიც აკონტროლებს კასრებში სპირტის მომწიფების პროცესს და ახდენს ასამბლაჟს საბოლოო პროდუქტის, ანუ კონიაკის მისაღებად.[2]

რესურსები ინტერნეტში[რედაქტირება | წყაროს რედაქტირება]

სქოლიო[რედაქტირება | წყაროს რედაქტირება]

  1. MarketWatch, C. B. S.. Bacardi acquires Grey Goose en-US. ციტირების თარიღი: 2020-09-24
  2. „ღვინის უცხო სიტყვათა ლექსიკონი“. მარანი. vinoge.ge. 2012-02-09. ციტირების თარიღი: 2021-07-11.
  3. Jim Rendon (October 31, 2004). „Want to Profit From Vodka? Follow That Grey Goose“. The New York Times. ციტირების თარიღი: October 1, 2013.
  4. Hare, Holly Van. (2018-05-22) Is Grey Goose Gluten-Free? en. ციტირების თარიღი: 2019-04-13
  5. Which Alcohols are Gluten-Free? | BeyondCeliac.org en. ციტირების თარიღი: 2019-04-13
  6. Liza Weisstuch. (May 2009) Francois Thibault: Maître de Chai. Beverage Business. დაარქივებულია ორიგინალიდან — ოქტომბერი 12, 2013. ციტირების თარიღი: October 1, 2013