ჰაუეა
| ჰაუეა | |
|---|---|
 ტბა ჰაუეა | |
| კოორდინატები: 44°30′00″ ს. გ. 169°17′00″ ა. გ. / 44.50000° ს. გ. 169.28333° ა. გ. | |
| მდებარეობა |  ახალი ზელანდია
|
| სიმაღლე ზღვის დონიდან | 348 მ |
| სიგრძე | 35 კმ |
| სიგანე | 8 კმ |
| ფართობი | 141 კმ² |
| აუზის ფართობი | 1388 კმ² |
| ჩამდინარე მდინარეები | ჰანტერი |
| გამომდინარე მდინარე | ჰაუეა |
  | |
ჰაუეა (ინგლ. Lake Hawea) — ტბა ახალი ზელანდიის უდიდეს კუნძულ — სამხრეთ კუნძულზე. მდებარეობს ოტაგოს რეგიონში, ქალაქ დანიდინიდან ჩრდილო-დასავლეთით დაახლოებით 293 კილომეტრში.[1] ვრცელდება ზღვის დონიდან 348 მ სიმაღლეზე. ფართობი 141 კმ², უდიდესი სიღრმე 392 მ. ტბის სახელწოდება წარმოსდგება მაორიდან, სავარაუდოდ ადგილობრივი ტომის სახელწოდებიდან, რომლის ზუსტი მნიშვნელობა დადგენილი არ არის.[2]
ჰესის ენერგიის გაუმჯობესებისათვის 1958 წელს ტბის დონე ხელოვნურად აწიეს 20 მეტრით. ტბა ჩრდილოეთიდან სამხრეთისაკენ გადაჭიმულია 35 კილომეტრზე, სიგანე 8 კილომეტრი.[1] ხეობაში მოქცეული მყინვარული წარმოშობის ტბაა, რომლის ქვაბული გაჩენილია მყინვარული მოძრაობების შედეგად უკანასკნელი გამყინვარების დროს. ტბიდან გამოედინება ამავე სახელწოდების მდინარე. ტბაში ჩაედინება მდინარე ჰანტერი.
ჰაუეას ტბიდან დასავლეთით 8 კილომეტრში მდებარეობს ტბა უანაკა. მინიმალური მანძილი ამ ორ ტბას შორის 1 კილომეტრია. დღეისათვის ჰაუეას ტბა ტურისტებისთვის პოპულარული ადგილია. ჰაუეას გააჩნია დიდი ჰიდროენერგეტიკული პოტენციალი. ევროპელთაგან ტბის პირველი აღმომჩენია ნათანიელ ჩალმერსი, რომელმაც ტბა 1853 წელს ინახულა.[1]
რესურსები ინტერნეტში[რედაქტირება | წყაროს რედაქტირება]
- ჰაუეას ტბა – ინფორმაცია[მკვდარი ბმული]
- ჰაუეას ტბის რუკა დაარქივებული 2011-09-14 საიტზე Wayback Machine.
სქოლიო[რედაქტირება | წყაროს რედაქტირება]
- ↑ 1.0 1.1 1.2 Lake Hawea. Encyclopædia Britannica. ციტირების თარიღი: 2010-04-03.
- ↑ Lake Hawea. An Encyclopaedia of New Zealand. ციტირების თარიღი: 2010-04-03.