ჯორჯ იანკოპულოსი

ჯორჯ იანკოპულოსი
	ბერძ. Γιώργος Γιανκόπουλος; ინგლ. George Yancopoulos
დაბ. თარიღი	1959
დაბ. ადგილი	კუინზი
მოქალაქეობა	აშშ
საქმიანობა	ბიოლოგი
მუშაობის ადგილი	Regeneron Pharmaceuticals
ალმა-მატერი	კოლუმბიის უნივერსიტეტი, ბრონქსის სამეცნიერო სკოლა და კოლუმბიის უნივერსიტეტის საექიმო-ქირურგიული კოლეჯი
ჯილდოები	ამერიკის ხელოვნებისა და მეცნიერების აკადემიის წევრი

ჯორჯ იანკოპულოსი (ინგლ. George Yancopoulos, დ.1959, კუინზი, აშშ) — ამერიკელი მეცნიერი და ბიზნესმენი, ერთ-ერთი წამყვანი ბიოლოგი მსოფლიოში^[4]. ის არის CSO, სამეცნიერო ხელმძღვანელი და პრეზიდენტი ბიოტექნოლოგიური კომპანიისა Regeneron Pharmaceuticals. იგი ერთ-ერთი ბერძენი მილიარდერია აშშ-ში. სამეცნიერო ინფორმაციის ინსტიტუტის ინფორმაციის მიხედვით, ჯორჯი მეთერთმეტე ადგილს იკავებდა ყველაზე ციტირებად მეცნიერებს შორის 1990-იან წლებში. მათ შორის მხოლოდ ის იყო ბიოტექნოლოგი. მსოფლიოში პირველი დირექტორი ფარმაცევტულ ინდუსტრიაში, რომელიც გახდა მილიარდერი^[5]^[6]. 2004 წელს იყო ამერიკის ეროვნული სამეცნიერო აკადემიის წევრი; ასევე ადიუნქთ-პროფესორი კოლუმბიის უნივერსიტეტში. ჯონ ჯეის პრემიის ლაურეატი 2003 წელს^[7]^[8].

ბიოგრაფია[რედაქტირება | წყაროს რედაქტირება]

ბავშვობის წლები, ოჯახი და განათლება[რედაქტირება | წყაროს რედაქტირება]

ჯორჯ იანკოპულოსი დაიბადა 1959 წელს, ქალაქ ვუდსაიდში, კუინზი, ნიუ-იორკი, აშშ. მამა — დამის იანკოპულოსი; დედა — ვასილიკა პეკმეზარი. საბერძნეთში სამოქალაქო ომის დასრულების შედეგ ჯორჯის მშობლები ნიუ-იორკში გადავიდენ საცხოვრებლად. ჯორჯს ჰყავს და — სოფია, რომელმაც დაამთავრად კოლუმბიის უნივერსიტეტი და მეცნიერია თეორიული ასტროფიზიკის მიმართულებით.

იანკოპულოსების ოჯახმა სამოქალაქო ომის შედეგად მთელი ქონება დაკარგა^[9].

ჯორჯის მამა, საბერძნეთში ცხოვრებისას, მეორე მსოფლიო ომის წლებში ნაცისტების წინააღმდეგ, ხოლო სამოქალაქო ომისას კომუნისტების წინააღმდეგ იბრძოდა. მას განათლება არ ჰქონდა მიღებული. აშშ-ში ემიგრაციის შემდეგ მუშაობდა სადაზღვეო აგენტად. იყო ბერძნული დიასპორის აქტიური წევრი^[9].

კარიერა Regeneron-ში[რედაქტირება | წყაროს რედაქტირება]

1989 წელს მან დაიწყო მუშაობა Regeneron-ში მეცნიერის ამპლუაში. 1989-1991 წლებში გახდა უფროსი მენიერ-თანამშრომელი Regeneron-ის შვილობილ კომპანიაში Regeneron Research Laboratories. 1991-1992 წლებში გადამუშავებების ხელმძღვანელი Regeneron Research Laboratories-ში. 1992-1997 წლებში იყო კომპანიის ვიცე-პრეზიდენტი, 1997-დან — უფროსი ვიცე-პრეზიდენტი. 1998-დან CSO Regeneron-ში. 2000 წელს გახდა Regeneron Research Laboratories-ის პრეზიდენტი, ასევე სამეცნიერო დირექტორი 2001-დან. 2016-ში კი Regeneron-ის დირექტორიც გახდა.

წლების მუშაობის განმავლობაში ჯორჯმა ინტერესის სფეროებიც გაზარდა, რომელიც ნერვული სისტემის მიღმა კვლევებსაც მოიცავს, დაწყებული თვალის დაავადებებიდან, დამთავრებული კიბოთი.

ბავშვობიდან ამერიკაში ბერძნული დიასპორის აქტიური წევრია. 2017 წელს იანკოპულოსი ნიუ-იორკში მოწვეულ რუს ბიზნესმენთან ერთად, წინ უძღოდა საბერძნეთის დამოუკიდებლობის 196-ე წლის თავისათვის მიძღვნილ აღლუმს.

სამეცნიერო-კვლევითი სამუშაოები და მიღწევები[რედაქტირება | წყაროს რედაქტირება]

სამუშაოები, კერძოდ ეძღვნება ზრდის ფაქტორების ძიებას, როგორიცაა ნეიროტროფინები, ეფრინები და ანგიოპოეტინები, მათი რეცეპტორებისა და სასიგნალო გზების, ასევე დაავადებების მკურნალობის ახალ მიდგომებს.

იანკოპულოსი თავისი გუნდის ძრითად წევრებთან ერთად Regeneron-ში წარმოადგენს სამედიცინო პრეპარატების მთავარ გამომგონებელს.

2017 წლის მარტის ბოლოს FDA-მ დაამტკიცა მონოკლონური ანტისხეული Dupilumab, რომელიც შეშავებულ იქნა Regeneron-ში ფრანგულ ფარმაცევტულ კომპანია Sanofi-თან თანამშრომლობით. ის მიზნად ისახავს ისეთი ატიპური დაავადებების განკურნებას, როგორიცაა დერმატიტი. თექვსმეტკვირიანი კვლევის შედეგი გამოქვეყნებულ იქნა ახალი ინგლისის სამედიცინო ჟურნალში.