ჯევდეთ ბეი და მისი ვაჟიშვილები
„ჯევდეთ ბეი და მისი ვაჟიშვილები“ (თურქ. Cevdet Bey ve Oğulları) — 2006 წლის ნობელის პრემიის ლაურეატის, თანამედროვე თურქი მწერლის ორჰან ფამუქის პირველი რომანი. გამოქვეყნდა 1982 წელს და ორჰან ქემალისა (გამოჩენილი თურქი პროზაიკოსი) და „მილეთის“ (ერთ-ერთი უმსხვილესი თურქული გაზეთი) პრემიები დაიმსახურა საუკეთესო რომანისათვის.
შინაარსი[რედაქტირება | წყაროს რედაქტირება]
რომანში, ჩვეულებრივი თურქული ოჯახის ყოველდღიური ცხოვრების ფონზე, ასახულია თურქული საზოგადოების განვითარებისა და თურქეთის რესპუბლიკის ჩამოყალიბების რთული გზა. მოქმედება XX საუკუნის 20-იან წლებში იწყება და 70-იან წლებამდე გრძელდება, თუმცა წიგნში დასმული პრობლემები დღესაც აქტუალურია არა მხოლოდ თურქეთის, არამედ მთელი აღმოსავლური სამყაროსთვის.