ცხვირხახის ბორასებრნი[1] (ლათ.Oestrinae) — პარაზიტი მწერების ქვეოჯახი ბორასებრთა ოჯახისა. ფართოდ არიან გავრცელებული. ცნობილია 34 სახეობა. დედალი ბორა მატლებს „აფრქვევს“ ბალახისმჭამელი ცხოველების ნესტოებში; ასეთი ცხოველები შეიძლება იყოს: ცხვარი, თხა, ცხენი, აქლემი, ირემი, აფრიკული სპილო, ბეჰემოთი, მეჭეჭებიანი ღორი. მატლები ცხოვრობენ შუბლის წიაღში, ღრუებში (ცხვირის, რქების ძირთან არსებული), ასევე ცხვირხახაში. ნიადაგში დასაჭუპრებლად გარეთ გამოდიან მასპინძლის ნესტოებიდან.[2]