ჩრდილოეთ ციმბირის დაბლობი

მასალა ვიკიპედიიდან — თავისუფალი ენციკლოპედია
Jump to navigation Jump to search

ჩრდილოეთ ციმბირის დაბლობი (ტაიმირის დაბლობი) — დაბლობი ვაკე მდინარეების ლენისა და ოლენიოკის ქვემო დინებებს შორის. რუსეთის ფედერაციის კრასნოდარის მხარესა და იაკუტიაში. გადაჭიმულია 1400 კილომეტრზე, სიგანე 600 კილომეტრამდე. განიერ და ძლიერ დაჭაობებულ დაბლობზე აღმართულია 200-300 მეტრი სიმაღლის ბრტყელთხემიანი სერები. ბევრია თერმოკარსტული ტბა. უმთავრესად აგებულია ზღვიური და მყინვარული ნალექებით, რომლებსაც ქვეშ უდევს ქვიშაქვები და თიხაფიქლები. განვითარებულია მარადი მზრალობა. ჰავა სუბარქტიკული კონტინენტურია. იცის ცივი და ხანგრძლივი ზამთარი და ხანმოკლე გრილი ზაფხული. ნალექები 250-300 მმ წელიწადში. ჩრდილოეთ ნაწილში სჭარბობს ლიქენებიანი ტუნდრა, სამხრეთ ნაწილში — ბუჩქოვანი, სამხრეთ კიდეზე — ტყეტუნდრა. დასავლეთ ნაწილში ციმბირის ლარიქსის მეჩხერი ტყეებია, აღმოსავლეთ ნაწილში — დაურის ლარიქსისა. ჩრდილოეთ ციმბირის დაბლობზე არის ქვანახშირის, ნავთობისა და აირის საბადოები.

ლიტერატურა[რედაქტირება | წყაროს რედაქტირება]