ჩიკაგოს უნივერსიტეტი

მასალა ვიკიპედიიდან — თავისუფალი ენციკლოპედია
გადასვლა: ნავიგაცია, ძიება
ჩიკაგოს უნივერსიტეტი
The University of Chicago
უნივერსიტეტის ლოგო
ლათ.: Universitas Chicagiensis
დევიზი Crescat scientia vita excolatur - გაზარდე ცოდნა უფრო და უფრო და ასე გაამდიდრე ადამიანი[1]
დაფუძნდა 1890
ტიპი კერძო
თანამშრომელი 2,168
პრეზიდენტი რობერტ ზიმერი
პროვოსტი ერიკ ისააქსი
სტუდენტი 14,954
მდებარეობა ჩიკაგო, ილინოისი აშშ
კამპუსი საქალაქო (87,8 ჰა - მთავარი კამპუსი; 17 ჰა - ვარენ ვუდსის სახელმწიფო პარკი; 12,1 ჰა - იერკის ობსერვატორია)
ფერები ბორდოსფერი და თეთრი
თილისმა ფენიქსი
საიტი uchicago.edu

ჩიკაგოს უნივერსიტეტი (ინგლ. University of Chicago) — კერძო კვლევითი უნივერსიტეტი ჩიკაგოში, ილინოისის შტატში, აშშ. დაარსდა 1890 წელს ამერიკული ბაპტისტური საგანმანათლებლო საზოგადოების მიერ ნავთობმაგნატ ჯონ როკფელერის ფინანსური ხელშეწყობით. უნივერსიტეტი მოიცავს კოლეჯს, მრავალ აკადემიურ პროგრამას, 4 აკადემიურ ქვეგანყოფილებას შორის ორგანიზებულ ინტერდისციპლინარულ კომიტეტებს და 7 პროფესიულ სკოლას. ხელოვნებისა და მეცნიერების გარდა, უნივერსიტეტი ცნობილია თავისი სხვა პროფესიონალური სკოლებითაც, როგორებიცაა: პრიცკერის მედიცინის სკოლა, ბიზნესის სკოლა, სამართლის სკოლა, სოციალური სერვისების ადმინისტრირების სკოლა, საღვთისმეტყველო სკოლა და სხვა. ამ კოლეჯებში ამჟამად 5000, ხოლო ზოგადად მთელს უნივერსიტეტში 15 ათასამდე სტუდენტი სწავლობს.

უნივერსიტეტის პირველი პრეზიდენტი უილიამ რეინი ჰარპერი გახდა 1891 წელს, ხოლო პირველი კლასი 1892 წელს გაიხსნა. ბოთ ჰარპერი და უნივერსიტეტის მომავალი პრეზიდენტი რობერტ მეინარდ ჰატჩინსი ფიქრობდნენ, რომ სასწავლო გეგმა თეორიულ ცოდნასა და მუდმივ პრობლემებზე უნდა დაფუძნებულიყო და არა გამოყენებითი მეცნიერებებსა და კომერციულ მოგებაზე. ჰარპერის ინიციატივითვე, ჩიკაგოს უნივერსიტეტი ამერიკული უნივერსიტეტების ასოციაციის 14 დაფმუძნებელ წევრს შორის ერთ-ერთი გახდა, უნივერსიტეტების კვლევითი ასოციაციის წევრი კი უკვე 1907 წლიდანაა.

ჩიკაგოს უნივერსიტეტი სახელგანთქმულია ცნობილი ბიზნესმენებითა და მილიონერებით.[2][3][4] Academic Ranking of World Universities-მა და US News and World Report-მა ის საუკეთესო უნივერსიტეტების ათეულში შეიყვანეს. [5] University of Chicago Law School-მა და Pritzker School of Medicine-მა კი ამერიკული უნივერსიტეტების საუკეთესო ხუთეულში.[6]

რესურსები ინტერნეტში[რედაქტირება | წყაროს რედაქტირება]

სქოლიო[რედაქტირება | წყაროს რედაქტირება]

  1. About the University. The University of Chicago (2013). წაკითხვის თარიღი: December 24, 2013.
  2. These 7 Schools Have the Richest Alumni — Is Yours On the List?. წაკითხვის თარიღი: 28 June 2015.
  3. World's top 100 universities for producing millionaires. წაკითხვის თარიღი: 28 June 2015.
  4. 3 Public Universities Made List of 15 Schools With the Wealthiest Alumni. წაკითხვის თარიღი: 28 June 2015.
  5. Performance in Academic Ranking of World Universities by Subject Fields. Academic Ranking of World Universities. წაკითხვის თარიღი: 29 December 2015.
  6. Bloomberg Businessweek: The Complete 2012 Business Schools Ranking, 2012-11-15