შოთა ხაჟალია

შოთა ხაჟალია
დაბადების თარიღი	5 აპრილი, 1917 ქუთაისი
გარდაცვალების თარიღი	1991
საქმიანობა	მსახიობი
ჯილდოები	საქართველოს სახალხო არტისტი (1965)

შოთა ხაჟალია (დ. 5 აპრილი, 1917, ქუთაისი — გ. 1991) — ქართველი მსახიობი, საქართველოს სახალხო არტისტი (1965).

1939 წელს დაამთავრა გორის პედაგოგიური ინსტიტუტის ფილოლოგიის ფაკულტეტი.

1939-1952 წლებში იყო გორის თეატრის მსახიობი, 1952-1968 წლებში ქუთაისის თეატრის, 1969-1979 წლებში თბილისის მუსკომედიის, ხოლო 1979 წლიდან თბილისის სახელმწიფო დრამატული თეატრის მსახიობი. მისი საუკეთესო როლებია: შმაგა (ა. ოსტროვსკის „უდანაშაულო დამნაშავენი“), გრუმიო (შექსპირის „ჭირვეულის მორჯულება“), კოტე (გ. ქელბაქიანის „ახალგაზრდა მასწავლებელი“), მუნჯი ბაჩუა („ტარიელ გოლუა“, ლ. ქიაჩელის მიხედვით), ხრინწა (ვ. ვიშნევსკის „ოპტიმისტური ტრაგედია“), ისიდორე („საბრალდებო დასკვნა“ ნ. დუმბაძის მიხედვით), დულიტლი (ბ. შოუს „ჩემი მშვენიერი ლედი“), ბოღმა ვანო (ცაბაძის „კურკას ქორწილი“), იეთიმ გურჯი (ცაბაძის „სიყვარულის მგოსანი ვარ“), შვეიკი (ს. ცინცაძის „შვეიკი“) და სხვა.

იყო საბჭოთა კავშირის კომუნისტური პარტიის წევრი 1956 წლიდან.

ჯილდოები და აღიარება

• 1950 — საქართველოს დამსახურებული არტისტი
• 1965 — საქართველოს სახალხო არტისტი

რესურსები ინტერნეტში

• შოთა ხაჟალია — საქართველოს ბიოგრაფიული ლექსიკონი