ფუტკრის ცვილი

მასალა ვიკიპედიიდან — თავისუფალი ენციკლოპედია

ფუტკრის ცვილი — ცხიმისმაგვარი მარცვლოვანი ნივთიერება, რომელსაც გამოყოფს ფუტკრის სპეციალური ჯირკვლები. ცვილს გამოყოფს ახალგაზრდა მუშა ფუტკარი მუცლის სეგმენტებზე არსებული ცვილის ჯირკვლებიდან. გამოყოფილ ცვილის ნაწილაკებს ფუტკრები იშორებენ და მისგან აგებენ ფიჭებს, ბეჭდავენ თაფლიან ფიჭის უჯრედებს და სხვა. ცვილი შედგება რთული ეთერების ნარევისაგან, შეიცავს ვიტამინებსა და ნაჯერ ნახშირწყალბადებს, დნობის t 62—72°C, სიმკვრივე 0,956—0,969 გ/სმ³, ფიზიკური და ქიმიური თვისებების მიხედვით იყოფა ხარისხებად. მასზე დაწესებულია სახელმწიფო სტანდარტი. ცვილი ძირითადი წყაროა ხელოვნური ფიჭის მისაღებად. ფუტკრის ცვილს იყენებენ სახალხო მეურნეობის მრავალ დარგში.

ლიტერატურა[რედაქტირება | წყაროს რედაქტირება]