ქართული: ჩალაძეთა საგვარეულო გერბი დამზადდა 2013 წლის 25 მარტს. გიორგი ჩალაძის მიერ.

ჩალაძეთა საგვარეულო გერბი:

გერბის ფარის ნახევრად ლაჟვარდისა და მეწამულ ველზე გამოსახულია თეთრი სამმწვერვალიანი მთა, რომლის შუა მწვერვალი მაღალია; მთის ზემოთ მოთავსებულია ყვითელი კავკასიური ვერძი, მის ზემოთ ნახევრად ყვითელი და ნახევრად თეთრი ჯვარი. გერბის ფარს ზემოთ ნახევარსფეროში მოთავსებულია ორი ეკლესია. ფარს ქვემოთ გერბის დევიზის თეთრ-ლაჟვარდ-მეწამული ფერის ბაფთა, რომლის თეთრ ველზე შავით ჩაწერილია გერბის დევიზი - "ჩალაძე".

გერბის ფარში გამოსახული ფიგურები და გამოყენებული "ფერები" - ლურჯი, მეწამული, ყვითელი და თეთრი, ჩალაძეების ერთობას, ღირსებას, ძლევამოსილებას და კეთილშობილებას განასახიერებს. თეთრით აგრეთვე გადმოცემულია კავკასიონის მთები, რომლის ძირშიც მდებარეობს რაჭა, ჩალაძეების საწყისი! ვერძის თავი ონის ძველ, ისტორიულად არსებულ გერბში იყო დაფიქსირებული. ვერძის თავის გამოსახულება ნაპოვნია არქეოლოგიური ძეგლის - ბრილის გათხრებისას. ყვითელ-თეთრი ფერის ჯვარი გვარის ერთიანობაზე და ღვთისმოსაობაზე მეტყველებს. ფარს ზემოთ მოცემულ ნახევარსფეროში ნაგულისხმებია სამყარო, რომელშიც მოთავსებულია ერთი დიდი და მეორე მცირე ეკლესია. დიდი ეკლესია სამების საკათედრო ტაძარია ავთანდილ ჩალაძეს მიერ აშენებული, ხოლო მცირე - რაჭაში სამი ძმა ჩალაძის მიერ ნაგები ღვთისმშობლის სახელობის ეკლესია. .....ფარის შუა ნაწილის ქვემოთ არის მეწამული ყურძნის მტევანი ვაზის ფოთლით, რაც მინიშნებაა ხვანჭკარაზე ღვინის ცნობილ სახეობაზე.

.....ფარს ქვემოთ მოთავსებული დევიზი "ჩალაძე", ჩალაძეთა საგვარეულოს კუთვნილების აღმნიშვნელ დამატებით საიდენტიფიკაციო საშუალებას წარმოადგენს.