ტოლფეხიანები (ლათ.Isopoda) — უმაღლესი კიბოსნაირებისრიგი. მათი სხეულის სიგრძე 0,1—27 სმ აღწევს, ზურგ-მუცლის მიმართულებით შებრტყელებულია. აქვთ მჯდომარე თვალები. მკერდის კიდურების პირველი წყვილი ყბაფეხებადაა გარდაქმნილი, დანარჩენი 7 — დაახლოებით ერთნაირია. მუცლის კიდურები ფირფიტოვანია და ნაწილობრივ ლაყუჩებადაა ქცეული. გული მუცლის განყოფილებაშია. განვითარება ძირითადად პირდაპირია. რიგში 4500-მდე სახეობაა, უმთავრესად გავრცელებულია ზღვაში, აგრეთვე მტკნარ წყალსა და ხმელეთზე. ზოგი სახეობით თევზები იკვებებიან, ზოგი — მავნებელია, აზიანებს ბადეებსა და შიგ გაბმულ თევზებს, ხრავს ნავსადგურის ხის ნაგებობებს.
