დიაკრიტიკული ნიშნები

დიაკრიტიკული ნიშნები (ძველბერძ. διακριτικός — „განსხვავების მიმნიშნებელი“) — სტრიქონზედა ან სტრიქონქვეშა (იშვიათად — სტრიქონშივე ჩასმული) გრაფიკული ნიშნები, რომლებიც შემოღებულია ანბანურ დამწერლობაში რომელიმე ასოს მნიშვნელობის დასაზუსტებლად. კერძოდ:

1. ასოს ახალ მნიშვნელობას სძენს;

2. წარმოგვიდგენს შესაბამისი ბგერის რამდენიმე ვარიანტს;

3. მიანიშნებს, რომ ასო იკითხება იზოლირებულად;

4. მიანიშნებს ბგერის სიგრძე-სიმოკლეს;

დიაკრიტიკულ ნიშნებს ფართოდ იყენებენ ტრანსკრიფციებში.

ლიტერატურა

• ქართული საბჭოთა ენციკლოპედია ტომი 3, გვ. 496, 1978. თბილისი.