აპიუს კლავდიუს ცეკუსი

აპიუს კლავდიუსი ბრმა (დაახ. ძვ. წ. 340 - ძვ. წ. 273) - რომის რესპუბლიკის სახელმწიფო მოღვაწე, ცენზორი და მწერალი.

აპიუს კლავდიუსი იყო კლლავდიუსების პატიციული ოჯახიდან. იგი იყო ორგზის კონსული ძვ. წ. 307 წელს და ძვ. წ. 296 წელს. ძვ. წ. 312 წელს კი ცენზორიც იყო. მისი ცენზორობის დროს აშენდა ცნობილი აპიუსის გზა და პირველი აკვედუკი. ცნობილია, რომ მან სენატში ბევრი უღირსი სენატორი ჩარიცხა. დაკანონებული 1.5 წლის ნაცვად მან ცენზორობა ძველებურად, 5 წლით გაიხანგძლივა, მიუხედავად იმისა რომ მისი კოლეგა გადადგა. აპიუს კლავდიუსმა ლათინურ ანბანს რამდენიმე ასო დაამატა. სიბერეში აპიუს კლავდიუსი დაბრმავდა და ჩამოშორდა სახელმწიფო საქმიანობას. პიროსთან ომისას კი (ძვ. წ. 279), როდესაც მან შეიტყო, რომ რომის სენატი განიხილავს პიროსთან სამშვიდობო მოლაპარაკებების დაწყებას და თავს დამარცხებულად მიიჩნევს, აპიუსმა უბრძანა მსახურებს წაეყვანათ სენატში, სადაც გამოვიდა სიტყვით, გააკრიტიკა სენატის პოლიტიკა და მოუწოდა რომაელებს ბოლომდე ებრძოლათ. მისმა სიტყვამ გადამწყვეტი მნიშვნელობა იქონია და ომი განახლდა.