სიმძლავრის კოეფიციენტი

სიმძლავრის კოეფიციენტი, კოსინუს ფი ($cos\varphi$) — ცვლადი დენის საშუალო სიმძლავრის შეფარდება დენის ძაბვისა და ძალის მოქმედ მნიშვნელობათა ნამრავლთან.

სიმძლავრის კოეფიციენტის უდიდესი მნიშვნელობა ტოლია 1-ისა. სინუსოიდური ცვლადი დენის შემთხვევაში სიმძლავრის კოეფიციენტი ტოლია დენის ძაბვისა და ძალის სინუსოიდებს შორის მდებარე ფაზათა გადანაცვლების კუთხის კოსინუსისა და განისაზღვრება წრედის პარამეტრებით: $cos\varphi =r/z$, სადაც $\varphi$ ფაზათა გადანაცვლების კუთხეა, $r$ — წრედის აქტიური წინაღობა, $z$ კი — წრედის სრული წინაღობაა.

იხილეთ აგრეთვე

• ელექტრული სიმძლავრე

ლიტერატურა

• ქართული საბჭოთა ენციკლოპედია, ტ. 9, თბ., 1985. — გვ. 361.