როდოქროზიტი

როდოქროზიტი
საერთო
ქიმიური ფორმულა	MnCO3
იდენტიფიკაცია
ფერი	ვარდისფერი, წითელი
სიმაგრე მოოსის სკალით	3,5–4
სიმკვრივე	3600–3700 კგ/მ³

როდოქროზიტი (ბერძ. ῥόδον — ვარდი და χρῶσις — შეფერილობა), მანგანუმის შპატი — კარბონატების კლასის მინერალი; ქიმიური შემადგენლობა ${\ce {MnCO_3}}$. მინარევებია ${\ce {Fe}}$, ${\ce {Mg}}$, ${\ce {Zn}}$ და სხვ. კრისტალდება ტრიგონურ სინგონიაში. აგრეგატები ჩვეულებრივ მარცვლოვანი აქვს. ვარდისფერია, ზოგჯერ წითელი. სიმაგრე მინერალური სკალით 3,5–4; სიმკვრივე 3600–3700 კგ/მ³. ძირითადად წარმოიქმნება დალექვის გზით, აგრეთვე — ჰიდროთერმულ და მეტასომატურ საბადოებში. მანგანუმის ერთ-ერთი მადანია. როდოქროზიტის საბადოებია ყოფილი სსრკ-ის ტერიტორიაზე, აშშ-ში და სხვ.

ლიტერატურა

• ქართული საბჭოთა ენციკლოპედია, ტ. 8, თბ., 1984. — გვ. 420.

რესურსები ინტერნეტში

• ვიკისაწყობში არის გვერდი თემაზე: როდოქროზიტი
• როდოქროზიტი — მინერალების კატალოგი
• როდოქროზიტი საიტზე webmineral.com (ინგლისური)