რევაზ გველესიანი

რევაზ ალექსანდრეს ძე გველესიანი (დ. 25 ივნისი, 1955, ქ. თერჯოლა) — ქართველი ეკონომისტი. ეკონომიკის მეცნიერებათა დოქტორი (1990), პროფესორი (1991).

დაამთავრა თბილისის სახელმწიფო უნივერსიტეტის (თსუ) ეკონომიკის ფაკულტეტი (1978). 1989–2020 წლებში სამეცნიერო-კვლევით საქმიანობას ეწეოდა გერმანიაში. არის თსუ-ის ეკონომიკური პოლიტიკის კათედრის დამაარსებელი და ხელმძღვანელი (2005 წლიდან), ეკონომიკური პოლიტიკის ქართულ-გერმანული ინსტიტუტის დამაარსებელი და დირექტორი (2006 წლიდან). 2006–2014 წლებში იყო თსუ-ის აკადემიური საბჭოს წევრი.

გველესიანის კვლევის ძირითადი სფეროა საქართველოს და მსოფლიო სხვა ქვეყნების ეკონომიკური პოლიტიკა; ეკონომიკური ინტერესების პრობლემა და გლობალური მეწარმეობის სტრატეგია და კულტურა. მიღებული აქვს ღირსების ორდენი (2003), ივანე ჯავახიშვილის სახელობის (2015), პაატა გუგუშვილის სახელობის (2020) და თსუ-ის ოქროს მედლები (2021).

ბიბლიოგრაფია[რედაქტირება | წყაროს რედაქტირება]

ძირითად საზოგადოებრივ ღირებულებებთან ეკონომიკურ-პოლიტიკური გადაწყვეტილებების შესაბამისობა, თბ., 2012 (თანაავტ. ი. გოგორიშვილი).
სოციალური მეწარმეობის განვითარების ტენდენციები საქართველოში, თბ., 2017 (თანაავტ. გ. ერქომაიშვილი, ი. გოგორიშვილი, ე. ლეკაშვილი, ნ. ფარესაშვილი, ლ. ხურცია).
გადაწყვეტილებების მიღების ტექნოლოგია ეკონომიკურ პოლიტიკაში, თბ., 2018 (თანაავტ. ი. გოგორიშვილი).
გლობალური მეწარმეობის პოლიტიკა და კულტურა, თბ., 2020.

რესურსები ინტერნეტში[რედაქტირება | წყაროს რედაქტირება]

გველესიანი რევაზ ალექსანდრეს ძე — ენციკლოპედია „საქართველო“ (ელექტრონული ვერსია).