რუსეთში 44 ადამიანი დაიღუპა და რვა დაშავდა ავიაკატასტროფის შედეგად, რომელიც ჩრდილოდასავლეთში მდებარე ქალაქ პეტროზავოდსკთან მოხდა. თვითმფრინავმა დაჯდომა სცადა პეტროზავოდსკის აეროპორტიდან დაახლოებით ერთ კილომეტრში, საავტომობილო გზაზე, მაგრამ ჩამოვარდა და ცეცხლში გაეხვია. ცნობების თანახმად, თვითმფრინავი ავტომანქანას დაეცა, მანქანაში მყოფი ადამიანების რიცხვის, ან მათი ბედის შესახებ ჯერ არაფერს იუწყებიან. გამომძიებლების განცხადებით, დაწყებულია მუშაობა ავიაკატასტროფის მიზეზების დასადგენად. (რადიო თავისუფლება)
