ნათანიელ ჰოთორნი

მასალა ვიკიპედიიდან — თავისუფალი ენციკლოპედია
Jump to navigation Jump to search
ნათანიელ ჰოთორნი
Nathaniel Hawthorne.jpg
დაბ. თარიღი 4 ივლისი 1804(1804-07-04)[1] [2] [3] [4] [5] [6] [7] [8]
დაბ. ადგილი სეილემი
გარდ. თარიღი 19 მაისი 1864(1864-05-19)[1] [2] [3] [4] [5] [6] [7] [8] (59 წლის)
გარდ. ადგილი პლიმუთი
დასაფლავებულია მასაჩუსეტსი
საქმიანობა მწერალი, დიპლომატი, რომანისტი, საბავშვო მწერალი და სამეცნიერო ფანტასტი მწერალი
ენა ინგლისური ენა[2]
მოქალაქეობა აშშ
ალმა-მატერი ბოუდინის კოლეჯი
ჟანრი გოთური ლიტერატურა
Magnum opus მეწამული სიმბოლო, Little Daffydowndilly, and other stories, The House of the Seven Gables, A Wonder-Book for Girls and Boys, Tales of the White Hills, and sketches, The whole history of grandfather's chair და Biographical stories
მეუღლე სოფია ჰოთორნი
შვილ(ებ)ი ჯულიან ჰოთორნი და დედა მერი ალფონსა
ხელმოწერა Nathaniel Hawthorne signature.svg

ნათანიელ ჰოთორნი (ინგლ. Nathaniel Hawthorne; დ. 4 ივლისი, 1804 — გ. 19 მაისი, 1864) — ამერიკელი ნოველისტი, ბნელი რომანტიზმის (გოთიკიზმი) წარმომადგენელი.

ნათანიელ ჰოთორნი 1804 წლის 4 ივლისს დაიბადა ამერიკის ქალაქ სეილემში. 1825 წელს დაამთავრა ბოუდინის კოლეჯი. ბავშვობიდანვე გრძნობდა საკუთარ გამორჩეულობას და გაურბოდა თავყრილობებს. როგორც მოგვიანებით აღიარა, განსაკუთრებით ახალგაზრდობაში განიცდიდა სინდისის ქენჯნას პურიტანი წინაპრების გამო, რომელთაგან ერთ-ერთმა სეილემელ ჯადოქრებს გამოუტანა განაჩენი. მის ადრეულ ნაწარმოებებში დიდი ადგილი უკავია დანაშაულის განცდას ძველი ცოდვების გამო, მათ შორის წინაპრთა ცოდვებისაც.

პირველი რომანი წარუმატებელი გამოდგა, მას მოჰყვა მოთხრობების კრებული, რომელსაც მეტი წარმატება ხვდა წილად. 1842 წელს თავისი საუკეთესო ნოველები შეკრიბა, რომლებიც ისტორიულ და ზებუნებრივ სიუჟეტებზე იყო აგებული და კრებულად გამოსცა.

1850 წელს გამოქვეყნდა მისი პირველი წარმატებული რომანი „მეწამული სიმბოლო“ („წითელი სიმბოლო“, „მეწამული A“), რომელმაც ფართო აღიარება მოუტანა ევროპაში და ბესტსელერად იქცა, თუმცაღა დიდი შემოსავალი არ მოუტანია. შემდეგ წელს კიდევ ერთი რომანი გამოსცა.

ჰოთორნის ნაწარმოებების მხატვრული ფორმის სრულყოფილება და მათი ზნეობრივი პრობლემატიკის სიღრმე ბევრ ახალგაზრდა ლიტერატორზე ახდენდა გავლენას, მათ შორის: ჰენრი ჯეიმსზე, ჰერმან მელვილზე, რომელიც მის გვერდითაც დასახლდა და ჰოთორნს მიუძღვნა რომანი მობი დიკი „მისი გენის წინაშე ქედის მოდრეკის ნიშნად“.

1853-1857 წლებში ჰოთორნი ევროპაში ცხოვრობდა, ამერიკის კონსულის ადგილს იკავებდა ლივერპულში.მოინახულა იტალია, შოტლანდია და ამერიკაში სამოქალაქო ომის პერიოდში დაბრუნდა.

სიკვდილამდე ცოტა ხნით ადრე ჯერ კიდევ რამდენიმე ნაწარმოებზე ჰქონდა დაწყებული მუშაობა, თუმცა მათი დასრულება ვერ შეძლო.

მწერალი 1864 წლის 19 მაისს ნიუ-ჰემფშირის ქალაქ პლიმუთში გარდაიცვალა[9].

შემოქმედება[რედაქტირება | წყაროს რედაქტირება]

რომანები:

  1. მეწამული სიმბოლო (1850წ.)

მოთხრობები:

  1. სიჭაბუკის ელექსირი
  2. სამი გორაკის ხეობა
  3. ახალგაზრა ბრაუნი
  4. ქვის კაცი
  5. მოჩვენება
  6. მისის ბულფროგი
  7. ფანტაზიათა შოუ
  8. დაღუპულთა ცოლები
  9. დევიდ სუონი
  10. მეფე მიდასის ოქრო
  11. ედუარდ ფეინის ვარდის კოკორი
  12. თოვლის გოგონა
  13. მინოტავრი

ლიტერატურა[რედაქტირება | წყაროს რედაქტირება]

  • Bell, Michael Davitt. Hawthorne and the Historical Romance of New England (Princeton University Press, 2015).
  • Forster, Sophia. "Elizabeth Stuart Phelps, Nathaniel Hawthorne, and the Emergence of American Literary Realism." Studies in the Novel 48.1 (2016): 43-64. online
  • Greven, David. Gender Protest and Same-Sex Desire in Antebellum American Literature: Margaret Fuller, Edgar Allan Poe, Nathaniel Hawthorne, and Herman Melville (2015).
  • Hallock, Thomas. "'A'is for Acronym: Teaching Hawthorne in a Performance-Based World." ESQ: A Journal of Nineteenth-Century American Literature and Culture 62#1 (2016): 116-121.

რესურსები ინტერნეტში[რედაქტირება | წყაროს რედაქტირება]

სქოლიო[რედაქტირება | წყაროს რედაქტირება]

  1. 1.0 1.1 გერმანიის ეროვნული ბიბლიოთეკა, ბერლინის სახელმწიფო ბიბლიოთეკა, ბავარიის სახელმწიფო ბიბლიოთეკა და სხვ. Record #118709305 // ინტეგრირებული ნორმატიული ფაილი — 2012—2016.
  2. 2.0 2.1 2.2 BNF authorities: პლატფორმა ღია მონაცემები — 2011.
  3. 3.0 3.1 SNAC — 2010.
  4. 4.0 4.1 ბროდვეის ინტერნეტ მონაცემთა ბაზა — 2000.
  5. 5.0 5.1 Find a Grave — 1995. — ed. size: 165000000
  6. 6.0 6.1 Internet Speculative Fiction Database — 1995.
  7. 7.0 7.1 Discogs — 2000.
  8. 8.0 8.1 filmportal.de — 2005.
  9. „სიჭაბუკის ელექსირი“ — ნათანიელ ჰოთორნი, „მსოფლიოს რჩეული მოთხრობები“, ტ. 45, თბილისი, 2011, პალიტრა L, ISBN 978-994-19-223-4