მოველი ჭაავა

მოველი ჭაავა (დ.15 თებერვალი, 1938, ნორიო) — ქართველი ინჟინერი.

ბიოგრაფია

1961 წელს დაამთავრა საქართველოს პოლიტექნიკური ინსტიტუტის სამთო-გეოლოგიური ფაკულტეტი.

მუშაობდა საქართველოს მშენებლობის სამინისტროს N7 სამშენებლო ტრესტ „საქშახტმშენის“ სამშენებლო სამმართველო „ტყვარჩელშახტმშენში“ ცვლის ინჟინრად, სამშენებლო უბნის უფორსად. მუშაობდა სამშენებლო-საწარმოო გაერთიანება „საქჰიდროენერგომშენის“ სისტემაში. იყო „ენგურჰესის“ მშენებლობის ძალოვანი კვანძის სამშენებლო-სამონტაჟო სამმართველოს უბნის უფროსი, სამმართველოს უფროსის მოადგილე, მთავარი ინჟინერი, უფროსი. სათავეში ედგა სს „ჰიდროსპეცგვირაბმშენს“. დაჯილდოებულია სახელმწიფო ორდენებითა და მედლებით, სსრკ სახალხო მეურნეობის მიღწევათა გამოფენის ოქროს მედალით და სსრკ დამსახურებული რაციონალიზატორის წოდებით.

ჯილდოები

• 1997 — ღირსების ორდენი
• აფხაზეთის დამსახურებული ინჟინერი
• საქართველოს დამსახურებული მშენებელი

ლიტერატურა

• საქართველოს არქიტექტორთა და მშენებელთა ენციკლოპედია, თბ., 2017, გვ. 690
• წიგნი ღირსებისა, ტ. 2, თბ., 2001, გვ. 145

რესურსები ინტერნეტში

• მოველი ჭაავა — საქართველოს ბიოგრაფიული ლექსიკონი