მირსად თურქსანი

მასალა ვიკიპედიიდან — თავისუფალი ენციკლოპედია
Jump to navigation Jump to search
მირსად თურქსანი

თურქსანი ფენერბახჩესთან ერთად 2012 წელს
№ 6, 16
მძიმე ფორვარდი
პირადი ინფორმაცია
დაიბადა 7 ივნისი, 1976 (1976-06-07) (43 წლის)
ნოვი პაზარი, სერბეთის სოციალისტური რესპუბლიკა, იუგოსლავიიის სფრ
ეროვნება თურქი
სიმაღლე 206 სმ
წონა 113 კგ
კარიერა
NBA-ის დრაფტი 1998 / რაუნდი: 1 / არჩევა: მე-18
არჩეული ჰიუსტონ როკეტსი
პროფესიონალური კარიერა 1994–2012
კარიერის ისტორია
1994 - 1999 ეფეს პილსენი
1999 - 2000 ნიუ-იორკ ნიქსი
2000 მილუოკი ბაქსი
2000 - 2001 პარიზ ბასკეტ რეისინგი
2001 - 2002 ცსკა მოსკოვი
2002 - 2003 მონტეპასჩი სიენა
2003 - 2004 ცსკა მოსკოვი
2004 - 2009 დინამო მოსკოვი
2005 - 2006 ულკერსპორი
2006 - 2012 ფენერბახჩე

მირსად თურქსანი (თურქ. Mirsad Türkcan; დ. 7 ივნისი, 1976, ნოვი პაზარი, სერბეთის სოციალისტური რესპუბლიკა, იუგოსლავიიის სფრ) — თურქი კარიერადასრულებული პროფესიონალური კალათბურთის მოთამაშე. წარმოშობით ბოსნიელია. 206 სმ სიმაღლის გათვალისწინებით, თამაშობდა მძიმე ფორვარდის პოზიციაზე. არის 3 გზის All-EuroLeague-ის გუნდის წევრი.[1]

დაიბადა როგორც მირსად იადოვიჩი ნოვი პაზარში, სერბეთის სოციალისტური რესპუბლიკაში, იუგოსლავიიის სფრ-ში, ხოლო კალათბურთის სათამაშოდ თურქეთში გადავიდა. თურქეთის მოქალაქეობის მიღებასთან ერთად, მან ქვეყნის ეროვნულ საკალათბურთო ნაკრებთან ერთად დაიწყო თამაში. 1999 წელს იგი გახდა პირველი თურქი პროფესიონალური კალათბურთის მოთამაშე, რომელმაც ნაციონალურ საკალათბურთო ასოციაციაში (NBA) ითამაშა.[2]

ევროლიგაში თამაშის პერიოდში თურქსანმა 50 ორმაგი დუბლი დააგროვა. აგრეთვე 2000 წლის შემდეგ მხოლოდ სამ მოთამაშეს აქვს ჩატარებული 20+ ქულიანი და 20+ მოხსნიანი თამაში და მათგან ერთ-ერთი მირსად თურქსანი იყო (27 ქულა, 23 მოხსნა). მოხსნების რაოდენობით ევროლიგას 5-ჯერ ულიდერა. ნომინირებული იყო ევროლიგის დეკადის საუკეთესო გუნდშიც, თუმცა ფინალურ სიამდე ვერ მიაღწია. 2017 წელს გახდა ევროლიგის ლეგენდა.

პროფესიონალური კარიერა[რედაქტირება | წყაროს რედაქტირება]

ადრეული წლები[რედაქტირება | წყაროს რედაქტირება]

თურქსანი აღიზარდა ეფეს პილსენის ახალგაზრდულ გუნდში; პროფესიონალურ კალათბურთში მისი დებიუტი შედგა ამავე გუნდში, 1994-1995 წლების სეზონში.[3] თურქსანმა ეფესთან ერთად 1995-1996 და 1996-1997 წლებში მოიგო თურქეთის სუპერლიგა.

NBA[რედაქტირება | წყაროს რედაქტირება]

1998 წლის NBA-ის დრაფტზე მირსად თურქსანი ჰიუსტონ როკეტსმა პირველი რაუნდის მეთვრამეტე არჩევნად აიყვანა. დრაფტის ღამიდან რამდენიმე დღის შემდეგ მან განაცხადა: „ეს ჩემთვის დიდი ნაბიჯია, თუმცა მე თურქეთში ვითამაშე და მე ვარ პირველი თურქი რომელიც NBA-ში მოხვდა. ეს ძალიან მნიშვნელოვანია ჩემთვის, ჩემი ოჯახისთვის და ჩემი ქვეყნისთვის“.[4] 1998-1999 წლებში NBA-ის ლოკაუტის გამო დაბრუნდა სტამბოლში და თამაში კვლავ ეფეს პილსენში განაგრძო. მოგვიანებით, იგი 1999 წლის იანვარში ფილადელფია სიქსერსში, ხოლო მარტში ნიუ-იორკ ნიკსში გაცვალეს. საბოლოოდ, მან ნიუ-იორკ ნიქსთან გააფორმა კონტრაქტიდა 1999-2000 წლების სეზონში 7 თამაშში მიიღო მონაწილეობა. მილოუკი ბაქსში 10 თამაშის ჩატარების შემდეგ, თურქსანმა NBA-ის კარიერა დაასრულა და ევროპაში დაბრუნდა.[5]

ევროპაში დაბრუნება[რედაქტირება | წყაროს რედაქტირება]

2001 წლის იანვარში თურქსანი საფრანგეთში ჩავიდა და დარჩენილი სეზონი კლუბ პარიზ ბასკეტ რეისინგში გაატარა.[6] შემდეგ, 2001-2002 წლების სეზონში, მან კონტრაქტი რუსეთის კლუბ ცსკა მოსკოვთან გააფორმა. 2002-2003 წლების სეზონში სათამაშოდ იტალიურ კლუბ მონტეპასჩი სიენასთან მოაწერა კონტრაქტს ხელი. 2003-2004 წლების სეზონში კვლავ რუსეთში დაბრუნდა და ცვკა მოსკოვთან კიდევ ერთხელ გააფორმა კონტრაქტი. 2004-2005 წლების სეზონში იგი დინამო მოსკოვთან ერთად თამაშობდა რუსეთის ჩემპიონატში.

2006 წლის ზაფხულში მან კონტრაქტი თურქულ კლუბ ფენერბახჩესთან გააფორმა. 2009 წელს თურქულ კლუბთან კიდევ ორი სეზონით გაახანგრძლივა კონტრაქტი.[7]

2012 წლის ივლისში თურქსანმა გამოაცხადა რომ პენსიაზე გადიოდა. ამით დასრულა მისი 19 სეზონიანი პროფესიონალური კალათბურთელის კარიერა.[8] ტურკანმა დაასრულა სათამაშო კარიერა გამოსამშვიდობებელი საგამოფენო თამაშით რომელიც 2012 წლის სექტემბერში შედგა.

საერთაშორისო კარიერა[რედაქტირება | წყაროს რედაქტირება]

თურქსანი იყო იმ თურქეთის ეროვნული საკალათბურთო ნაკრების წევრი, რომელმაც ევრობასკეტ 2001-ზე ვერცხლის მედალი მოიგო. თურქეთის ეროვნულ ნაკრებთან ერთად იგი აგრეთვე თამაშობდა ისეთ ტურნირებში როგორიცაა: ევრობასკეტი 1995, ევრობასკეტი 1997, ევრობასკეტი 1999, ფიბას მსოფლიო ჩემპიონატი 2002, ევრობასკეტი 2003 და ევრობასკეტი 2005.

ჯილდოები[რედაქტირება | წყაროს რედაქტირება]

პროფესიონალური კარიერა[რედაქტირება | წყაროს რედაქტირება]

რესურსები ინტერნეტში[რედაქტირება | წყაროს რედაქტირება]

სქოლიო[რედაქტირება | წყაროს რედაქტირება]

  1. Statistics.
  2. Rockets rookie will be first Turkish NBA player“, sportsillustrated.cnn.com. წაკითხვის თარიღი: 7 September 2012. 
  3. Turkcan, Mirsad Profile. Euroleague.
  4. Mirsad Turkcan. Draft Spotlight. დაარქივებულია ორიგინალიდან - 11 July 2012. წაკითხვის თარიღი: 19 September 2012.
  5. Isola, Frank. You Can Waive Goodbye To Turkcan. articles.nydailynews.com. წაკითხვის თარიღი: 19 September 2012.
  6. TURKCAN à PARIS !!!. bleublancturc.com. წაკითხვის თარიღი: 19 September 2012.
  7. Mirsad Turkcan renews with Fenerbahce. talkbasket.net. დაარქივებულია ორიგინალიდან - 22 February 2013. წაკითხვის თარიღი: 19 September 2012.
  8. Mirsad Turkcan will announce his retirement on July 21. Sportando. Salsabasket. წაკითხვის თარიღი: 1 September 2012.