მეტრო 2033
| „მეტრო 2033“ | |
|---|---|
| Метро 2033 | |
| ავტორი | დიმიტრი გლუხოვსკი |
| ქვეყანა | რუსეთი |
| ენა | რუსული |
| სერია | მეტრო |
| ჟანრი | ფანტასტიკა, პოსტაპოკალიფსი |
| გამომცემელი |
ეკსმო პოპულარული ლიტერატურა (მეორე გამოცემა) |
| გამოცემის თარიღი |
2005 2007 (მეორე გამოცემა) |
| მთარგმნელი | ქეთევან ამირეჯიბი |
| ქართულად გამოიცა | 2015 (წიგნები ბათუმში) |
| გვერდი |
544 381 (მეორე გამოცემა) |
| მომდევნო | მეტრო 2034 |
| ISBN | 5-699-13613-4 |
„მეტრო 2033“ (რუს. Метро́ 2033) — რუსი მწერლის, დიმიტრი გლუხოვსკის პოსტაპოკალიფსური რომანი, გამოცემული 2005 წელს. მასში აღწერილია მოსკოვის მეტროში ადამიანების სიცოცხლე ბირთვული ომის შემდეგ. პირველად გამოიცა 2005 წელს, გამომცემლობა „ეკსმოს“ მიერ, ხელახლა კი — 2007 წელს, გამომცემლობაში „პოპულარული ლიტერატურა“. ევროპულ ლიტერატურულ კონკურს Eurocon-ზე გაიმარჯვა 2007 წლის საუკეთესო დებიუტის კატეგორიაში[1].
ხელახალი გამოცემის 100 ათასიანი ტირაჟი სამი თვის განმავლობაში მთლიანად გაიყიდა, ამიტომ გამომცემლობამ გამოსცა დამატებით 100 000 ასლი[2], რომელიც 2008 წლის ბოლოსთვის ასევე სრულად გაიყიდა. მესამე ტირაჟი 50 000-ს შეადგენდა[3]. წიგნის ერთ-ერთი პრეზენტაცია გაიმართა რუსეთის კავშირგაბმულობის სამინისტროს ერთ-ერთ გასაიდუმლოებულ ბუნკერში, ტაგანკაზე, 60 მეტრის სიღრმეზე. რომანის მიხედვით აგრეთვე გადაღებულია ვიდეო თამაში Metro 2033.