მასის დეფექტი

მასის დეფექტი — სხვაობა მოცემული იზოტოპის მასასა (რომელიც მასის ატომური ერთეულებითაა გამოსახული) და მასურ რიცხვს შორის. მასის დეფექტი დაკავშირებულია ბირთვში ნუკლონების ბმის ენერგიასთან და ახასიათებს მოცემული ბირთვის მდგრადობას. ზოგჯერ იყენებენ 1 ნუკლონზე მოსულ მასის დეფექტს, რომელსაც ჩაწყობის ნამრავლს უწოდებენ.

ზოგჯერ მასის დეფექტს უწოდებენ $\Delta E/c^{2}$ სიდიდეს, სადაც $\Delta E$ არის ატომბირთვის ბმის ენერგია, $c$ — სინათლის სიჩქარე ვაკუუმში.

ლიტერატურა

• ქართული საბჭოთა ენციკლოპედია, ტ. 6, თბ., 1983. — გვ. 482.