ლიმონიტი

მასალა ვიკიპედიიდან — თავისუფალი ენციკლოპედია
Jump to navigation Jump to search
ლიმონიტი

ლიმონიტი — მურა რკინაქვა, ბუნებრივად წვრილ ან ფარულკრისტალური, ზოგჯერ ამორფულ მინერალთა აგრეგატები, რომლებიც სამვალენტიანი რკინის ჰიდროჟანგების გოეთიტის, ჰიდროგოეთიტის, ლეპიდოკროკიტის, ჰიდროლეპიდოკროკიტისა და ჰიდროჰემატიტის ნარევს წარმოადგენს. ლიმონიტი ჩვეულებრივ წარმოიქმნება რკინის სულფიდებისა და სხვა რკინიანი მინერალების დაჟანგვის დროს. ცნობილია აგრეთვე, რომ ლიმონიტი წარმოიქმნება ვულკანური აირებიდან ან მინერალური წყაროებიდან. ლიმონიტი ქმნის მთლიან მასებს, ფოროვან, წიდისებრ ან მიწისებრ აგრეგატებს, ოოლითებს და კონკრეციებს. ლიმონიტი რკინის მნიშვნელოვანი მადანია, რომლის სამრეწველო მნიშვნელობის საბადოებია რუსეთში, გერმანიაში და სხვაგან.

ლიტერატურა[რედაქტირება | წყაროს რედაქტირება]