კუფია — შხამიანი ქვეწარმავლების 2 გვარი ჩხრიალა გველისებრთა ოჯახისა. მათი სხეულის სიგრძე 60 სმ-დან 2,5 მ აღწევს. გავრცელებული არიან სამხრეთ-აღმოსავლეთი აზიასა (გვარი Trimeresurus) და სამხრეთ ამერიკაში (გვარი Bothrops). ცნობილია 80-მდე სახეობა. ჩხრიალა აპარატი არ გააცნიათ. ზოგი სახეობა ხეებსა და ბუჩქებზე ცხოვრობს. კვერცხმდებელი და კვერცხცოცხლადმშობი ფორმებია. უმრავლესობის ნაკბენი საშიშია ადამიანისათვის. ფართოდაა გავრცელებული ლაბარია (Bothrops atrox), რომელიც ტანად ყველაზე დიდია. გვხვდება ცენტრალურ ამერიკაში. ტაძრის კუფია (Trimeresurus wagleri) გავრცელებულია მალაკის ნახევარკუნძულსა და მალაის არქიპელაგზე.
