თინა კანდელაკი

მასალა ვიკიპედიიდან — თავისუფალი ენციკლოპედია
Jump to navigation Jump to search
თინა კანდელაკი
Тина.JPG
დაბადების სახელი თინათინ კანდელაკი
დაბადების თარიღი 10 ნოემბერი, 1975 (1975-11-10) (45 წლის)
თბილისი, საქართველო
პროფესია ჟურნალისტი
ტელეწამყვანი
ტელეპროდიუსერი
მეუღლე(ები) ანდრია კონდრახინი (განქორწინებულია)
შვილ(ებ)ი მელანია (დ. 2000) და ლეონტი (დ. 2002)
მშობლები მამა: გივი კანდელაკი
დედა: ელვირა კანდელაკი

თინათინ (თინა) კანდელაკი (რუს. Тина Канделаки; დ. 10 ნოემბერი, 1975, თბილისი) — ჟურნალისტი, ტელეწამყვანი და საზოგადო მოღვაწე. კომპანიის „აპოსტოლ მედიის“, ერთ-ერთი თანამფლობელი.

ბიოგრაფია[რედაქტირება | წყაროს რედაქტირება]

თინა თბილისში 1975 წლის 10 ნოემბერს დაიბადა. მამა — გიგი შალვის ძე კანდელაკი (1942-2009). პროფესიით ეკონომისტია, მუშაობდა დირექტორად თბილისის ბოსტნეულის ბაზაში, პენსიაზე გასვლის შემდეგ ცხოვრობდა მეუღლესთან ერთად მოსკოვში. თინას დედა — ელვირა გიორგის ასული კანდელაკი (დაბ. ალახვერდოვა) — ნახევრად თურქი და სომეხია. წინათ იყო ექიმი-ნარკოლოგი. თინამ დაამთავრა თბილისის 64-ე საჯარო სკოლა. 1993 წელს სწავლობდა პლასტიკურ კოსმეტოლოგიას, შემდეგ მისი მეგობრის გიორგი თარგამაძის დახმარებით ჩაირიცხა თბილისის უნივერსიტეტის ჟურნალისტიკის ფაკულტეტზე. 2008 წელს დაამთავრა რუსეთის სახელმწიფო ჰუმანიტარული უნივერსიტეტი.

მუშაობა რადიოში და ტელევიზიაში[რედაქტირება | წყაროს რედაქტირება]

1990-იან წლებში თინა მუშაობდა რადიოსადურ „რადიო 105“-სა და საქართველოს ტელევიზიაში (მეორე არხზე). 1995 წელს საცხოვრებლად რუსეთში, მოსკოვში გადავიდა, სადაც დაიწყო მუშაობა სტანისლავ სადალსკისთან ერთად სხვადასხვა რადიოსადგურებსა და ტელევიზიებში: „М радио“, „РДВ“, „Радио Рокс“, „Серебрянный дождь“, „Муз ТВ“ და სხვა.

2002 წლის სექტემბრიდან მიჰყავს პროგრამა „დეტალები“ СТС-ზე, სადაც იღებდა ინტერვიუებს შოუ-ბიზნესის წარმომადგენლებთან. 2006-2007 წლებში ტელეგადაცემების „Разворот“ და „Особое Мнение“ წამყვანი რადიო „Эхо Москвы“-ზე. 2008 წლიდან მიჰყავდა ტელეპროგრამა „არარეალური პოლიტიკა“, რომელიც 2011 წელს დაიხურა. 2009 წელს წამყვანის სახით მონაწილეობა მიიღო ტელეპროექტ „ორ ვარსკვლავში“. ამავე წელს თინა პროდიუსერი და წამყვანი იყო ისეთი გადაცემების, როგორიცაა „ინფორმანია“ ტელეარხ СТС-ზე, ასევე იყო გადაცემა „ფორტ ბოიარდის“ სომხური ვერსიის წამყვანი. 2010 წელს იყო „კვნ“-ის უმაღლესი ლიგის ჟიურის წევრი, გადაცემა „იდეალური მამაკაცის“ წამყვანი. 2012 წელს დაიხურა ტელეგადაცემა „ყველაზე ჭკვიანი“, რომლის წამყვანი თინა წლების განმავლობაში იყო და პროგრამის დაწყებიდან (2003 წლიდან) გადაცემამ სამჯერ აიღო „ТЭФИ“-ის (2004, 2009) პრემია. 2013 წლის ივნისიდან თინა პოლიტიკური შოუს „რკინის ლედების“ თანაწამყვანია.

ბიზნესი[რედაქტირება | წყაროს რედაქტირება]

თინა კანდელაკი — კომპანია „აპოსტოლის“ პარტნიორი და თანამფლობელია. 2010 წლიდან ქართული რესტორნების „თინათინ“-ის ქსელის დამფუძნებელი და მფლობელია. 2012 წლის იანვრიდან ვიოდეო ბლოგერ დიმა კამიკაძესთან ერთად ეთერში გაუშვა პოლიტიკური თოქ-შოუ „ფრენა კამიკაძესთან“. იმავე წლის მარტში ხელი მოაწერა კონტრაქტს კომპანია Oriflame-თან, რის შედეგადაც ის ამ კომპანიის სახე 2 წლის მანძილზე იქნება. თინას ჰონორარი 2 მლნ. შეადგენს.

პოლიტიკური შეხედულებები[რედაქტირება | წყაროს რედაქტირება]

2007 წლიდან მოყოლებული თინა კანდელაკი აკრიტიკებს საქართველოს პრეზიდენტ (2004-2013) მიხეილ სააკაშვილის პოლიტიკას. ის ამბობს: „ადამიანი, რომელიც ითვლებოდა დემოკრატიის რუპორად საქართველოში, აღმოჩნდა ნამდვილი ტირანი, რომელიც თავის ხალხს მოსვენებას არ აძლევს“.

რესურსები ინტერნეტში[რედაქტირება | წყაროს რედაქტირება]