ვირისტერფა

ვირისტერფა
მეცნიერული კლასიფიკაცია
სამეფო:  მცენარეები ოჯახი:  რთულყვავილოვანნი
ლათინური სახელი
Tussilago
სისტემატიკა ვიკისახეობებში სურათები ვიკისაწყობში ITIS   38582 NCBI   118777 IPNI   30006161-2

ვირისტერფა (Tussilago) — მრავალწლოვანი ბალახოვანი მცენარის გვარი რთულყვავილოვანთა ოჯახისა.

შეიცავს მხოლოდ 1 სახეობას - Tussilago farfara. მხოხავფესურიანი ბალახია. აქვს ქეჩისებრ შებუსვილი ღერო (5-25 სმ), რომელიც მოწითალო-მურა ქერქლისებრი ფოთლებითაა დაფარული. ყვავილობს ადრე გაზაფხულზე (ყვავილები ყვითელია), დაყვავილების შემდეგ მწვანე ფესვთანური ფოთლები გამოაქვს.

გავრცელებულია ევრაზიის ზომიერ სარტყელში, ჩრდილოეთ აფრიკასა და ჩრდილოეთ ამერიკაში. იზრდება საქართველოშიც. სახლდება მდინარის პირზე, ხრამების გაშიშვლებულ ნაპირებზე, ტენიან თიხნარ ჩამონაზვავებზე, ზოგჯერ ასარევლიანებს ნათესებს. ფოთოლი შეიცავს გლიკოზიდ ტუსილაგინს, ინულინს. ნაყენს ხმარობენ მედიცინაში ამოსახველებელ საშუალებად. თაფლოვანია.

ლიტერატურა

• ხინთიბიძე ლ, ქართული საბჭოთა ენციკლოპედია, ტ. 4, თბ., 1979. — გვ. 418.