დიატრემა

დაიკი დიატრემა

დიატრემა (აფეთქების მილი, ბერძ. diatrēma – ხვრელი) — მილისებრი არხი, რომელიც წარმოიქმნება ვულკანური აირების აფეთქების შედეგად (აფეთქების მილი). ყველაზე მეტად ცნობილია კიმბერლიტური ტიპის აფეთქების მილი. აფეთქების მილს ზოგჯერ გააჩნია ორი ან უფრო მეტი არხი, რომელიც ამობურცულია ან სიღრმეში, ან გაერთიანებულია ერთ სხეულში.

ზოგჯერ ამოვსებულია ალმასის შემცველი ულტრაფუძე ვულკანური ბრექჩიის მსგავსი ქანით — კიმბერლიტით. ხშირად გეგმაში მათ გააჩნიათ ოვალური ფორმა.

არხის ფართობი და სიღრმე სხვადასხვაა. დიამეტრი იცვლება რამდენიმე მეტრიდან 1,5 კმ-მდე. აფეთქების მილი საკმაოდ ფართოდ გავრცელებული მოვლენაა. იგი გვხვდება ევროპის, აფრიკის, აზიის, სამხრეთ ამერიკისა და ჩრდილოეთ ამერიკის კონტინენტებზე.

რესურსები ინტერნეტში

• კიმბერლტების შესახებ დაარქივებული 2014-02-18 საიტზე Wayback Machine. (ინგლისური)
• ყველაფერი გეოლოგიის შესახებ (რუსული)

ლიტერატურა

• ქართული საბჭოთა ენციკლოპედია, ტ. 3, თბ., 1978. — გვ. 504.
• Геологический словарь, т2, М-Я., М. 1955.