ბერტა კრეზბერგი
| ქვეყანა (სპორტი) |
 სსრკ |
|---|---|
| დაბადების თარიღი | 1 ოქტომბერი, 1911 |
| დაბადების ადგილი | მოსკოვი, რუსეთის იმპერია |
| გარდაცვალების თარიღი | 17 სექტემბერი, 1992 (80 წლის) |
| გარდაცვალების ადგილი | მოსკოვი, რუსეთი |
| წოდება | საბჭოთა კავშირის სპორტის ოსტატი |
ბერტა კრეზბერგი (დ. 1 ოქტომბერი, 1911, მოსკოვი — გ. 17 სექტემბერი, 1992, მოსკოვი) — საბჭოთა მოჭადრაკე და ინჟინერი. საქართველოს ჩემპიონი (1937), თბილისის ჩემპიონი (1936) და მოსკოვის მრავალგზის პრიზიორი.
ბიოგრაფია
[რედაქტირება | წყაროს რედაქტირება]ბერტა კრეზბერგი დაიბადა მოსკოვში. მამამისი, დავით კრეზბერგი, იყო ფეოდოსიის სახელმწიფო დუმის წევრი.
1935-1938 წლებში ბერტა თბილისში ცხოვრობდა და მუშაობდა. სწორედ ამ პერიოდში ჩაერთო იგი საქართველოს საჭადრაკო ცხოვრებაში. 1936 წელს თბილისის ქალთა ჩემპიონატში პირველი ადგილი დაიკავა. იმავე წელს საქართველოს ქალთა პირველ ჩემპიონატში 1-2 ადგილები გაიყო, თუმცა დამატებითი მატჩი დათმო. 1937 წელს მან მოახერხა ტიტულის მოპოვება და საქართველოს ჩემპიონი გახდა.
მოსკოვში დაბრუნების შემდეგ, იგი ერთ-ერთ ქარხანაში უფროს ინჟინრად მუშაობდა და ხელმძღვანელობდა საჭადრაკო სექციას. მეორე მსოფლიო ომის დროს აქტიურად მონაწილეობდა ჰოსპიტალებში შეფობისა და დაჭრილების დახმარების პროგრამებში.
ომის შემდგომ წლებში კრეზბერგი წარმატებით ასპარეზობდა მოსკოვის ჩემპიონატებში: 1945 წელს დაიკავა მე-2 ადგილი (ელისაბედ ბიკოვას შემდეგ), ხოლო 1952 და 1958 წლებში საპრიზო ადგილებზე გავიდა. 1937-1952 წლებში მან ექვსჯერ მიიღო მონაწილეობა საბჭოთა კავშირის ქალთა ჩემპიონატებში. მისი საუკეთესო შედეგი იყო 1951 წელს დაკავებული 5-7 ადგილები.
პროფესიით იყო ინჟინერი და წლების განმავლობაში მუშაობდა ვოიტოვიჩის სახელობის ვაგონთმშენებელ ქარხანაში უფროს ინჟინრად.
ლიტერატურა
[რედაქტირება | წყაროს რედაქტირება]- გიორგაძე თ., ქართული ჭადრაკის მატიანე, ნაწ. I, თბ., 1995.
- Быкова Е. И. Советские шахматистки. — М.: Физкультура и спорт, 1951. — С. 82.
რესურსები ინტერნეტში
[რედაქტირება | წყაროს რედაქტირება]- ბერტა კრეზბერგის პარტიები — 365Chess.com