აჭიმი

ადრეული აჭიმები.

აჭიმი — ელასტიური ბაფთა, რომელიც იჭერს შარვალს, იშვიათად ქვედა ბოლოს. როგორც წესი გადაკიდულია მხრებზე, ხოლო უკნიდან გადაჯვარედინებულია ან შებმული. ფართოდ იყო გავრცელებული XIX ს. ბოლოსა და XX ს. დასაწყისში, ტარებისას აუცილებლად იმალებოდა პიჯაკით, ან სხვა მოსასხამით.

ძველად აჭიმი ერქვა ცხენის აღკაზმულობის ნაწილს, კერძოდ ლაგამის რგოლებზე მობმულ თოკს, რომლითაც ლაგამი იყო აჭიმული ყურებისკენ.

რესურსები ინტერნეტში

• შეგიძლიათ იხილოთ მედიაფაილები თემაზე „აჭიმი“ ვიკისაწყობში.
• აჭიმი, ნიკო ჩუბინაშვილი — „ქართული ლექსიკონი რუსულის თარგამანითურთ“, 1812-1825 წწ.;