გოდერძი ჩანქსელიანი

	გოდერძი ჩანქსელიანი
შსს ქვემო ქართლის პოლიციის მთავარი სამმართველოს უფროსი
თანამდებობაზე ყოფნის დრო
	2003 – 2004
„ბევრილი ჯგუფის“ გენერალური დირექტორი
თანამდებობაზე ყოფნის დრო
	2004 – 2016
საქართველოს პარლამენტის წევრი
თანამდებობაზე ყოფნის დრო
	18 ნოემბერი, 2016 – დღემდე
პრეზიდენტი	გიორგი მარგველაშვილი ; სალომე ზურაბიშვილი
პრემიერ-მინისტრი	გიორგი კვირიკაშვილი ; მამუკა ბახტაძე
დაბადებული	6 მარტი, 1969 (55 წლის); გულრიფში, საქართველოს სსრ, სსრკ
საარჩევნი ოლქი	№32 საარჩევნო ოლქი
მოქალაქეობა	სსრკ →; საქართველო
პოლიტიკური პარტია	ქართული ოცნება — დემოკრატიული საქართველო
განათლება	საქართველოს შინაგან საქმეთა სამინისტროს პოლიციის აკადემია
პროფესია	იურისტი
საქმიანობა	პოლიტიკოსი

გოდერძი ჩანქსელიანი (დ. 6 მარტი, 1969, გულრიფში, საქართველოს სსრ, სსრკ) — ქართველი იურისტი და პოლიტიკოსი. საქართველოს პარლამენტის მე-9 და მე-10 მოწვევების დეპუტატი.

ბიოგრაფია[რედაქტირება | წყაროს რედაქტირება]

გოდერძი ჩანქსელიანი დაიბადა 1969 წლის 6 მარტს, გულრიფშში. 1994 წელს დაამთავრა საქართველოს შინაგან საქმეთა სამინისტროს პოლიციის აკადემია იურისტის კვალიფიკაციით. 1989-1990 წლებში იყო აფხაზეთის შსს დაცვის პოლიციის რიგითი პოლიციელი. 1994-2000 წლებში იყო საქართველოს შინაგან საქმეთა სამინისტროს ორგანიზებულ დანაშაულთან ბრძოლის გმს ინსპექტორი. 2000-2001 წლებში — საქართველოს შსს ორგანიზებულ დანაშაულთან ბრძოლის სამმართველოს განსაკუთრებით მნიშვნელოვან საქმეთა განყოფილების უფროსი. 2001-2003 წლებში — საქართველოს შინაგან საქმეთა სამინისტროს ქვემო ქართლის კორუფციასთან და ეკონომიკურ დანაშაულთან წინააღმდეგ ბროლის სამსახურის უფროსი. 2003-2004 წლებში — შსს-ის ქვემო ქართლის პოლიციის მთავარი სამმართველოს უფროსი. 2004 წელს დააფუძნა შპს „ბევრილი ჯგუფი“, რომლის გენერალური დირექტორიც იყო 2004-2016 წლებში. 2016-2020 წლებში იყო საქართველოს მე-9 მოწვევის პარლამენტის წევრი (მაჟორიტარი), საარჩევნო ბლოკი: „ქართული ოცნება — დემოკრატიული საქართველო“. მაჟორიტარულ არჩევნებში ხმათა 54,41% მიიღო (10 750 ხმა).^[1]