შარპეი

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება
შარპეი
სხვა სახელები ჩინური შარპეი
წარმოშობის ქვეყანა ჩინეთის დროშა ჩინეთი
პატრონაჟი კ.ს.ფ.[1]
თვისებები
წონა 18 - 29 კგ
მამრი 25 - 29 კგ
მდედრი 18 - 25 კგ
სიმაღლე 46 - 56 სმ
ფერი წითელი, წითელი შვლისფერი, ხუთქულიანი წითელი, შავი, ვერცხლისფერი შავი სიასამური, ბრინჯაოსფერი შავი სიასამური, სიასამურისფერი, კრემისფერი, ლურჯი, გაზავებული კრემისფერი, გაზავებული გარგრისფერი, შოკოლადისფერი, გაზავებული შოკოლადისფერი, იასამნისფერი, ვერცხლისფერი ხაზები გაზავებული ფერზე
შობადობა 4-6 ლეკვი
ძაღლი (Canis lupus familiaris)

შარპეიმსოფლიოში ერთ-ერთი უძველესი ჯიშია. მისი სახელი მისი ჯაგრისებური ბეწვისგან წარმოსდგება, შარპეი ჩინურად ზვიგენის კანს და ზუმფარას ქაღალდს ნიშნავს. ის ძალიან მშვიდი და საყვარელი ძაღლია და ერთი შეხედვით თითქოს არ იმსახურებს თავის მეორე სახელს – ჩინურ საბრძოლო ძაღლს. თუმცა ამ ძაღლმა მნიშვნელოვან წარმატებებს მიაღწია ძაღლების ორთაბრძოლაში თავისი მოფლაშული, დანაოჭებული ტყავის წყალობით, რომელსაც მეტოქე კბილს ვერ ავლებდა.

შარპეის აღმოსავლელი წინაპრები, როგორც ჩანს, ძვ. წ. 206 და ახ.წ. 220 წლების შორის პერიოდიდან მოდიან. ასეთი ძაღლები ჩინეთის ჰანის დინასტიის ხელოვნების ნიმუშებზეა გამოსახული. ზოგი ვარაუდობს,რომ ამ ჯიშის წინაპარი უფრო მოზრდილი, ახლა უკვე გადაშენებული, ძაღლია, რომელიც ტიბეტსა და ჩინეთის ჩრდილოეთ პროვინციებში დაახლ. 2000 წლის წინ ბინადრობდა. ზოგის აზრით კი ის ჩინეთის სამხრეთ პროვინციის ძაღლებს ენათესავება. 1947 წელს ძაღლზე გადასახადი ჩინეთში ისე გაიზარდა, რომ ბევრ მეპატრონეს გაუჭირდა შარპეის შენახვა და ამ ძაღლის რიცხვმა საგრძნობლად იკლო. 1970-იან წლებში გაჭირვებაში ჩავარდნილ შარპეის ამერიკელი სელექციონერები დაეხმარნენ. 1981 წლიდან შარპეი დიდ ბრიტანეთშიც გავრცელდა.

შარპეისთან ყოფნა სახალისოა – ყოველთვის კარგად იქცევა და უყვარს ადამიანებთან ურთიერთობა.

შარპეის ქუთუთოების ჩაკეცვისკენ აქვს მიდრეკილება. ეს თვალების დაავადებაა,რომელიც შესაძლოა დროული მკურნალობის გარეშე სიბრმავით დამთავრდეს.

შარპეის ლეკვები თვითონვე სწავლობენ, რომ სახლში მოსაქმება არ შეიძლება. ზომა – 45-51 სმ სიმაღლის.


ფოტოგალერეა[რედაქტირება]

რესურსები ინტერნეტში[რედაქტირება]

ლიტერატურა[რედაქტირება]

„ძაღლები“ გვ.136-137

სქოლიო[რედაქტირება]

  1. Fédération Cynologique Internationale Standard No. 309 of April 14, 1999, translated August 9, 1999, retrieved 2009-04-12 (ინგლისური)