ფსიქოთერაპიის ევროპული ასოციაცია
ფსიქოთერაპიის ევროპული ასოციაცია (EAP) — ფსიქოთერაპიის დარგის წარმმართველი ორგანიზაცია ევროპის მასშტაბით. მისი მოქმედების არეალი მოიცავს 41 ქვეყანას. ასოციაცია აერთიანებს 128 ფსიქოთერაპიულ ორგანიზაციას, მათ შორის, 42 ეროვნულ ასოციაციას და 17 ევროპულ ასოციაციას. ფსიქოთერაპევტთა ევროპული ასოციაცია დაფუძნებულია ვენაში. ამჟამად მისი წევრია 120 000 ფსიქოთერაპევტი.
EAP-ს მიუძღვის გადამწყვეტი როლი ფსიქოთერაპის დამოუკიდებელ პროფესიად აღიარების პროცესში. ის არის ფსიქოთერაპიული განათლების პან-ევროპული სტანდარტის და ეთიკური გაედლაინის შემქმნელი. [1]
ასოციაციის სახელმძღვანელო დოკუმენტია სტრასბურგის 1990 წლის დეკლარაცია ფსიქოთერაპიის შესახებ. იგი ხელს უწყობს მეცნიერულ საწყისებზე დამყარებული ფსიქოთერაპიული განათლების გავრცელებას. იბრძვის ევროპაში თავისუფალი და დამოუკიდებელი ფსიქოთერაპიული პრაქტიკისათვის.
საქართველოში ფსიქოთერაპიის ევროპული ასოციაციის წარმომადგენელი ეროვნული ქოლგა ორგანიზაციის (NUO) სახით არის ფსიქოთერაპიის ქართული ფედერაცია.[2]
მისი საქმიანობა მოიცავს:
- ურთიერთთანამშრომლობაზე დაფუძნებული დემოკრატიული ფორუმის შექმნას პროფესიონალური ფსიქოთერაპიის მწარმოებელი ორგანიზაციებისთვის.
- პან-ევროპული პროფესიონალური დიპლომშემდგომი განათლების სტანდარტის დაწესებას მინიმუმ 2,400 საათის ოდენობით სულ მცირე 4 წლის განმავლობაში. რაც მოიცავს სპეციალიზებულ ტრენინგის და სუპერვიზირებული პრაქტიკის აუცილებელ კომპონენტს.
- ლიცენზირების მინიჭებას ფსიქოთერაპიის ევროპული სერთიფიკატის (ECP) სახით, რომელიც აწესებს მთელი ევროპის მასშტაბით აღიარებულ ერთიან სტანდარტს.
- ECP ერთიანი ბაზის ჩამოყალიბებას და ყველასთვის ხელმისაწვდომი საძიებო სისტების შექმნას, რომელიც აერთიანებს ევროპული სტანდარტით აღიარებულ 5 000 ფსიქოთერაპევტს.
- საერთო ევროპული ეთიკური გაედლაინის გავრცელებას, ფსიქოთერაპიული პაციენტების დაცვის მიზნით.
- EAP არის ფსიქოთერაპიის მსოფლიო საბჭოს დამფუძნებელი წევრი (WCP).
საქართველო[რედაქტირება | წყაროს რედაქტირება]
ასოციაცია საქართველოში წარმოდგენილია ეროვნული ქოლგა ორგანიზაციის, ფსიქოთერაპიის ქართული ფედერაციის სახით. [წყარო არ არის მითითებული 743 დღე]
სქოლიო[რედაქტირება | წყაროს რედაქტირება]
- ↑ Young, C. (2011) The history and development of Body Psychotherapy: European collaboration, Body, Movement and Dance in Psychotherapy: An International Journal for Theory, Research and Practice, 6:1, DOI: 10.1080/17432979.2010.545189 p. 57.
- ↑ https://www.europsyche.org/about-eap/national-representations/nuo/
- ვიკიპედია:სტატიები წასაშლელი დებულებებით
- ფსიქოთერაპია
- ფსიქოთერაპიული ორგანიზაცია
- ფსიქოთერაპიის რეგულირება
- ფსიქოთერაპიის ევროპული სტანდარტი
- ფსიქიკური ჯანმრთელობა ავსტრიაში
- ფსიქიკური ჯანმრთელობა საქართველოში
- საერთაშორისო ორგანიზაციები საქართველოში
- პროფესიონალური ფსიქოთერაპია
- საერთაშორისო არასამთავრობო ორგანიზაციები
- დარგობრივი ორგანიზაციები