ჟემაიტიის ეროვნული პარკი (ლიეტ.Žemaitijos nacionalinis parkas) — ეროვნული პარკი ლიეტუვაში. მდებარეობს ჟემაიტიის ზეგანზე, ბალტიის ზღვიდან 45 კმ-ში. დაარსდა 1991 წელს. ფართობი 217.20 კმ². ტერიტორიის 7% ტბებს უკავია, აქ არის 26 ტბა და რამდენიმე მდინარე. ტბებიდან უდიდესია პლატელიაის ტბა (ფართობი 12,05 კმ², სიღრმე 47 მ). ეროვნული პარკის უდიდესი დასახლებაა პლატელიაი, 1100 მცხოვრებით, რომელიც მდებარეობს სწორედ პარკის უდიდესი ტბის სანაპირო ზოლში. პლატელიაიში არის ჟემიტიის ეროვნული პარკის ადმინისტრაცია, რომელიც მნიშვნელოვანია ტურისტული თვალსაზრისით.