პრაგმატული სანქცია (1713)

საღვთო რომის იმპერატორ კარლ VI-ის ხელმოწერა დოკუმენტზე.

1713 წლის პრაგმატული სანქცია — საღვთო რომის იმპერიის მეთაურ კარლ VI-ის მიერ გამოცემული ედიქტი, რომლითაც მისი სიკვდილის შემდეგ ავსტრიის ტახტისა და ჰაბსბურგთა მიწების მიღების უფლება მის ქალიშვილს ეძლეოდა. იმ დროსთვის უჩვეულო გადაწყვეტილების მიღების მიზეზი ის გახდა, რომ 1711 წლის შემდეგ კარლ VI ერთადერთი მამაკაცი იყო ჰაბსბურგთა დინასტიაში. რადგან კარლ VI-ს ვაჟიშვილი არ ჰყოლია, ხოლო მის უფროს ძმას ჯოზეფ I-ს მამრობითი სქესის შვილი არ ჰყავდა, ქალიშვილისთვის ძალაუფლების გადაცემა ერთადერთი გამოსავალი იყო, რათა მემკვიდრეობისთვის დავა არ წარმოქმნილიყო.

მიუხედავად იმისა, რომ კარლ VI მისმა უფროსმა ქალიშვილმა მარია ტერეზიამ ჩაანაცვლა, ომი ავსტრიული მემკვიდრეობისათვის მაინც მოხდა.