ლინდსი ლოჰანი
| ლინდსი ლოჰანი | |
 2012 წლის 14 აგვისტო, ლოჰანი will.i.am-ის წვეულებაზე |
|
| დაბადების სახელი | ლინდსი დი ლოჰანი |
| დაბადების ადგილი | ნიუ-იორკი, აშშ |
| დაიბადა | 2 ივლისი, 1986 |
| საქმიანობა | მსახიობი, მომღერალი, მოდელი |
| შემოქმედების წლები | 1989–დღემდე |
| მშობლები | მაიკლ ლოჰანი დინა ლოჰანი |
ლინდსი ლოჰანი (დაბადებული 1986 წლის 2 ივლისს) — ამერიკელი მსახიობი, მომღერალი და მოდელი. მან თავისი სამოდელო კარიერა დაიწყო, როდესაც მხოლოდ სამი წლის იყო. 1998 წელს ლოჰანი გადაიღეს Disney-ს ფილმში „მშობლების მახე“. ამის შემდეგ ის კიდევ ორ ნაკლებად პოპულარულ ფილმში მონაწილეობდა. 2002 წელს ის ფილმ „გიჟურ პარასკევში“ გადაიღეს, რომელმაც ლინდსის დიდი წარმატება მოუტანა, მაგრამ ყველაზე დიდი პოპულარობა მას 2004 წლის ფილმმა „ცუდი გოგოები“ მოუტანა. ამ ფილმებმა ლინდსის რამდენიმე ჯილდო მიაღებინა, მათ შორის MTV Movie Awards და Teen Choice Awards, თუმცა, ამას მოჰყვა პაპარაცებისა და ტაბლოიდების მხრიდან დიდი ყურადღება და ლოჰანი მათ მთავარ სამიზნედ იქცა.
2004 წელს ლინდსიმ გამოუშვა სადებიუტო ალბომი Speak, რომელმაც პლატინის სტატუსი შეიძინა. პირველ ალბომს მოჰყვა მეორე ალბომი A Little More Personal (Raw), რომელიც ლინდსიმ 2005 წელს გამოუშვა. მისი მეორე ალბომი ოქროს სტატუსით აღინიშნა. იმავე წელს ლოჰანი გადაიღეს ფილმში „ჰერბი“, როგორც დანარჩენი ლინდსის ფილმები, „ჰერბიც“ წარმატებული აღმოჩნდა. „ჰერბის“ შემდეგ მან 2006 წელს კიდევ სამ ფილმში ითამაშა, მაგრამ მისი პოპულარობა მალე დასრულდა. 2007 წელს ლინდსი ავტოავარიის გამო სასამართლოებში დადიოდა და 2011 წელს კოკაინის მოხმარების და მთვრალ მდგომარეობაში მანქანის ტარების გამო დაპატიმრებულიც კი იყო. ამან გავლენა იქონია ლინდსის შესახებ საზოგადოებრივ აზრზე. ბევრმა პროდიუსერმა თუ რეჟისორმა უარი განაცხადა მასთან თანამშრომლობაზე. გარდა ამისა, მსახიობს ჯანმრთელობის პრობლემებიც გაუჩნდა. ჰქონდა კვებითი აშლილობები, რაც თავდაპირველად ბულიმიაში, შემდეგ კი ანორექსიაში გამოიხატა. თუმცა 2009 წელს ლინდსიმ სატელევიზიო ფილმში მიიღო მონაწილეობა. 2012 წელს ლოჰანი გადაიღეს კიდევ ერთ სატელევიზიო ფილმში, „ლიზი და დიკი“, სადაც მან ელიზაბეთ ტეილორის როლი შეასრულა.
ფილმოგრაფია [რედაქტირება]
| წელი | სახელწოდება | როლი | ჯილდოები და აღწერები |
|---|---|---|---|
| 1998 | მშობლების მახე | ჰელი პარკერი/ ენი ჯეიმსი | 1962 წლის რიმეიკი
|
| 2000 | რეალური ზომის | კეისი სტიუარტი | სატელევიზიო ფილმი |
| 2002 | მოიფიქრე | ალექსანდრა გოულდი | Disney Channel-ის ორიგინალური ფილმი |
| 2003 | გიჟური პარასკევი | ანა კოულმანი | რიმეიკი
|
| 2004 | სცენის ვარსკვლავი | ლოლა |
|
| 2004 | ცუდი გოგოები | ქეიდი ჰერონი |
|
| 2005 | ჰერბი: სრულად ჩატვირთვა | მეგი პეიტონი |
|
| 2006 | უბრალოდ იღბლიანი | ეშლი ოლბრაიტი |
|
რესურსები ინტერნეტში [რედაქტირება]
- ლინდსი ლოჰანი საიტზე MySpace
- ლინდსი ლოჰანი „Twitter“-ზე
- ლინდსი ლოჰანი საიტზე Allmusic
- ლინდსი ლოჰანი — კინოფილმების ინტერნეტ მონაცემთა ბაზაში (ინგლისური)
