თავისუფლების კლუბი
 | ამ სტატიაში არ არის მითითებული სანდო და გადამოწმებადი წყარო. |
თავისუფლების კლუბი — არასამეწარმეო (არაკომერციული) იურიდიული პირი, რომელიც 2010 წელს დაარსდა საზოგადოებისათვის კონსერვატიული და ლიბერტარიანული იდეების გაცნობისა და განათლების დონის ამაღლების მიზნით. კლუბის მთავარი ფასეულობებია ეკონომიკური და პოლიტიკური თავისუფლება.
საქმიანობა[რედაქტირება | წყაროს რედაქტირება]
ორგანიზაციის საქმიანობა საგანმანათლებლო სფეროთი შემოფარგლება და გულისხმობს ისეთი პროექტების განხორციელებას, როგორიცაა:
- საჯარო ლექციების მოწყობა;
- დებატებისა და დისკუსიების გამრთვა;
- ბანაკების ორგანიზება;
- საზოგადოებაში ინფორმაციულობის დონის ამაღლება;
- ლიტერატურის თარგმნა და გავრცელება;
- სოციალურ-ეკონომიკურ პროექტებზე მუშაობა.
განხორციელებული პროეტები[რედაქტირება | წყაროს რედაქტირება]
კლუბმა უკვე მოაწყო 10-ზე მეტი საჯარო ლექცია, რომელთაც უძღვებოდნენ საქართველოსა და მსოფლიოში ცნობილი ლექტორები, წარმატებული მოაზროვნეები. ასევე 2012 წლის 11-17 თებერვალს თავისუფალი და აგრარული უნივერსიტეტის მხარდაჭერით ჩაატარა პირველი თავისუფლების ბანაკი, სადაც მონაწილეობა მიიღო 80-მდე დაინტერესებულმა სტუდენტმა.