იხილეთ წყარო გვერდისთვის ცვინგლიანობა

{{პროტესტანტიზმი}}
'''ცვინგლიანობა''' — [[პროტესტანტიზმი]]ს ერთ-ერთი მიმართულება, რომელიც აღმოცენდა [[შვეიცარია]]ში [[XVI საუკუნე]]ში, [[რეფორმაცია|რეფორმაციის]] დროს. [[რელიგია|რელიგიურ]]-[[ეთიკა|ეთიკური]] და სოციალურ-პოლიტიკური მოძღვრება, რომელიც შეიმუშავა [[ულრიხ ცვინგლი]]მ.

ცვინგლიანობას ბევრი საერთო აქვს [[ლუთერანობა]]სთან. ამ უკანასკნელის მსგავსად ცვინგლიაობა უარყოფდა [[კათოლიციზმი]]ს ძირითად [[დოგმატიზმი|დოგმას]], კერძოდ, იმას, რომ [[ეკლესია (ნაგებობა)|ეკლესია]] და [[სამღვდელოება]] აუცილებელი შუამავლები არიან [[ადამიანი|ადამიანსა]] და [[ღმერთი|ღმერთს]] შორის, სულის ხსნის ერთადერთ გზად აცხადებდა ჭეშშმარიტ რწმენას, [[ქრისტიანობა|ქრისტიანობის]] განახლების საფუძვლად მიაჩნდა [[ბიბლია|საღვთო წერილი]], უგულვებელყოფდა [[ინდულგენცია|ინდულგენციებს]], ხატებისადმი თაყვანისცემას, [[მარხვა]]ს, მღვდლების უცოლობას და ა.შ. [[საიდუმლონი|საიდუმლოთაგან]] დატოვა მხოლოდ ორი მთავარი — [[ნათლისღება|ნათლობა]] და [[ზიარება]]. ამასთანავე, ლუთერანობასთან შედარებით ცვინგლიანობა უფრო გაბედულად გამოდიოდა კათოლიკური კულტის წეს-ჩვეულებების წინააღმდეგ. რაციონალურად განმარტავდა [[ზიარება]]ს, განიხილავდა მას არა როგორც საიდუმლოს, არამედ როგორც [[ქრისტე]]ს მიერ გაღებული მსხვერპლის [[სიმბოლო|სიმბოლურ]] გახსენებას. ცვინგლიანობა [[ეკლესია (ნაგებობა)|ეკლესიას]] საერო ხელისუფლებას უმორჩილებდა.

==ლიტერატურა==
{{ქსე|11|208-209|გ. კუტალია}}
*Чанышев А.Н., Протестантизм, М., 1969

[[კატეგორია:პროტესტანტული კონფესიების განშტოებები]]