ჰიგუტი იტიიო

ჰიგუტი იტიიო (იაპ. 樋口 一葉 ) (ნამდვილი სახელი ნაცუ) (დ. 2 მაისი, 1872, ტოკიო — გ. 23 ნოემბერი, 1896, იქვე), იაპონელი მწერალი ქალი. დაიბადა პოლიციის წვრილი მოხელის ოჯახში, მამის გარდაცვალების შემდეგ ოჯახს მძიმე შრომით არჩენდა. კერძო სკოლაში შეისწავლა კლასიკური იაპონური პოეზია. ნაწარმოებებს აქვეყნებდა 1892-იდან. შექმნა კლასიკური ნოველა თანამედროვეებზე. მის თხზულებებში რეალისტურადაა აღწერილი უბრალო ხალხის ცხოვრება (ნოველები: "ცხოვრება მიყრუებულ ადგილას", 1892; "მეცამეტე ღამე", "მღვრიე ნაკადი", ორივე 1895).

ლიტერატურა

• ქსე, ტ. 11, გვ. 642-643, თბ., 1987