დივიზიონიზმი

კვირადღე კუნძულ გრან-ჟატზე
ავტორი	ჟორჟ სერა
წელი	1884-1886
ტიპი	ზეთი ტილოზე
სიმაღლე	207,6
სიგანე	308
მუზეუმი	ჩიკაგოს ხელოვნების ინსტიტუტი

დივიზიონიზმი (ფრანგ. division - დაყოფა, დანაწევრება), ნეოიმპრესიონიზმისათვის დამახასიათებელი ფერწერული სისტემა, რომელიც დაამუშავეს ფრანგმა ფერმწერებმა ჟ. სერამ და პ. სინიაკმა. ეფუძნება ცალკეული მონასმების საშუალებით რთული ფერადი ტონის დანაწევრებას სუფთა ფერებად, რაც ითვალისწინებს აღქმის მომენტში ოპტიკურ გამთლიანებას. ამ სისტემას იყენებენ ა. ე. ლროსი და ნაწილობრივ კ. პისარო (საფრანგეთი), ჯ. სეგანტინი (იტალია), ტ. ვან რეისელბერგე (ბელგია), ი. გრაბარი (რუსეთი, ზოგიერთ ნამუშევარში), ქართველ მხატვართაგან რ. თურქია, ე. კალანდაძე, ზ. ნიჟარაძე, ე. ბერძენიშვილი (ადრინდელ ნამუშევრებში).

იხილეთ აგრეთვე

• პუანტილიზმი

ლიტერატურა

• ქსე, ტ. 3, გვ. 547, თბ., 1978