იულიანე განდგომილი

იულიანეს გამოსახულება მონეტაზე

ფლავიუს კლავდიუს ჯულიანი ("განდგომილი") (331 - 26 ივნისი 363) რომის იმპერატორი 361 - 363 წლებში. იგი განუდგა ქრისტიანობას და სცადა რომაული ტრადიციული რელიგიის აღორძინება, რის გამოც "განდგომილად" იყო წოდებული. თავდაპირველად ჯულიანი დასახელებული იყო "კაესრად" თავისი ბიძაშვილის– კონსტანტიუს II-ის მიერ. იგი მართავდა დასავლეთ მიწებს.. აღადგინა საზღვარი რეინზე. არმიის მიერ ჯულიანი დასახელებული იქნა "ავგუსტუსად"–უფროს იმპერატორად. კონსტანტიუს II-მ მხოლოდ 361 წელს–სიკვდილის სარეცელს მიჯაჭვულმა აღიარა ჯულიანი თავის მემკვიდრედ. ჯულიანმა გამოაცხადა რწმენის თავისუფლება –ამით იგი ფაქტობრივად განუდგა ქრისტიანობას და წარმართობას, კერპთაყვანისმცემლობას დაუბრუნდა. აქედან მოდის მისი მეტსახელიც–"განდგომილი". თუმცა მას მეორე მეტსახელიც ჰქონდა– "ფილოსოფოსი". ჯულიანს სურდა რომის იმპერიის პოზიციების განმტკიცება აღმოსავლეთში. ამიტომ მან სამხედრო კამპანია წამოიწყო სპარსეთის წინააღმდეგ. ეს ლაშქრობა წარუმატებელი გამოდგა , იმპერატორი ჯულიანი მოკლული იქნა უკანდახევის დროს ქალაქ ბაღდადთან ახლოს.