საქართველოს ფასიანი ქაღალდების ცენტრალური დეპოზიტარი
საქართველოს ფასიანი ქაღალდების ცენტრალური დეპოზიტარი — სააქციო საზოგადოება, საქართველოში მოქმედი ცენტრალური დეპოზიტარი. დაარსდა 1999 წლის 11 ნოემბერს სს „საქართველოს საფონდო ბირჟის“ მიერ. ცენტრალური დეპოზიტარის ლიცენზია მიღებული აქვს 2000 წელს.
კომპანია წარმოადგენს ფასიანი ქაღალდების ბაზრის ინფრასტრუქტურის ერთ-ერთი უმნიშვნელოვანეს რგოლს და ემსახურება ფასიანი ქაღალდების ბაზრის პროფესიონალ მონაწილეებს — ბირჟებს, საბროკერო კომპანიებს, ბანკებსა და ინვესტორთა ფართო წრეს. მისი საქმიანობა რეგულირდება ფასიანი ქაღალდების შესახებ საქართველოს კანონისა და ცენტრალური დეპოზიტარის შესახებ საქართველოს ეროვნული ბანკის პრეზიდენტის ბრძანების საფუძველზე.