კობა ტყეშელაშვილი
| პირადი ინფორმაცია | |
|---|---|
| ეროვნება | ქართველი |
| დაბ. თარიღი | 1966 |
| დაბ. ადგილი | ვანი, საქართველოს სსრ |
| სიმაღლე | 188 სმ |
| სპორტი | |
| სპორტი | ჭიდაობა |
| სახეობა | თავისუფალი |
კობა ტყეშელაშვილი (დ. 1966)— თავისუფალი სტილით მოჭიდავე და წესების გარეშე მებრძოლი, საქართველოს პანკრატიონის, გრაპლინგისა და ბელტ ვრესტლინგის ეროვნული ფედერაციის დამაარსებელი და პრეზიდენტი[1]
კობას ძმა, ზაზა ტყეშელაშვილი ასევე თავისუფალი სტილით მოჭიდავე და წესების გარეშე მებრძოლი, 1996 წლის ზაფხულის ოლიმპიადის მონაწილეა.
თავისუფალი ჭიდაობის პარალელურად კობა ძმასთან ერთად აქტიურად იყო ჩართული წესების გარეშე ბრძოლებშიც, სადაც ასპარეზობდა ფსევდონიმით — შტორმი (Storm). 1999-2001 წლებში მან 3 მატჩი ჩაატარა, საიდან 1 მოიგო, 2 მატჩში კი მარცხი განიცადა (1 ნოკაუტით).
ქართული ოცნების პოლიტიკურ ასპარეზზე გამოჩენის შემდეგ კობა აქტიურად ჩაერთო პარტიულ მოღვაწეობაში, მას ჟურნალისტებმა ბრალი დასდეს კახა კალაძის დაქვემდებარებაში მყოფი ზონდერ ჯგუფების მეთაურობაში, ასევე კობა ამოიცნეს, სოფელ კორცხელში ნაციონალური მოძრაობის დეპუტატების დარბევის მონაწილეებს და გარდაბანში არჩევნების დროს შენიღბულ პირებს შორის. თუმცა თავად კობა ბრალდებებს უარყოფს.[1] [2]