ანდრო ჟორდანია

ანდრო ჟორდანია

პირადი მონაცემები
სრული სახელი	ანდრო დიმიტრის ძე ჟორდანია
დაბადების თარიღი	4 ნოემბერი, 1904
დაბადების ადგილი	თბილისი, რუსეთის იმპერია
გარდაცვალების თარიღი	25 აპრილი, 1974 (69 წლის)
გარდაცვალების ადგილი	თბილისი, საქართველოს სსრ
სიმაღლე	167 სმ
სათამაშო პოზიცია	თავდამსხმელი
პროფესიონალური კარიერა*
წლები	გუნდი	მატჩი	(გოლი)
1922–1924	თსუ თბ.
1925–1928	დინამო თბ.
1929	დინამო დ.
1932–1935	დინამო ივ.
1936–1937	სპარტაკი ივ.	11	(3)
1938–1940	ოსნოვა ივ.	1	(1)
სამწვრთნელო კარიერა
1936–1937	სპარტაკი ივანოვო
1938–1941	ოსნოვა ივანოვო
1945	დინამო თბილისი
1946–1947	დინამო თბილისი
1948–1951	სპარტაკი თბილისი
1952–1954	კრასნოე ზნამია
1955	დინამო თბილისი
1955–1956	ფშმ თბილისი
1957–1958	ლოკომოტივი ქუთაისი
1959–1961	დინამო თბილისი
1962	ლოკომოტივი თბილისი
1964–1965	ტორპედო ქუთაისი
1965–1967	მეშახტე ტყიბული
* პროფესიონალურ კლუბებში გამოსვლა და გოლები მხოლოდ ეროვნული ლიგებისთვის იანგარიშება

ბარელიეფი თბილისის „დინამოს“ დიღმის საწვრთნელი ბაზის შესასვლელში.

ანდრო ჟორდანია (დ. 4 ნოემბერი, 1904, თბილისი, რუსეთის იმპერია — გ. 25 აპრილი, 1974, თბილისი, საქართველოს სსრ) — ქართველი და საბჭოთა ფეხბურთელი და ფეხბურთის მწვრთნელი. თამაშობდა თავდამსხმელის პოზიციაზე. საბჭოთა კავშირის სპორტის დამსახურებული ოსტატი (1947), საბჭოთა კავშირის დამსახურებული მწვრთნელი (1960).

კარიერა

კარიერის განმავლობაში ითამაშა თბილისის (1925–28), დნეპროპეტროვსკის (1930–31) და ივანოვოს (1932–35) კლუბებში. თამაშობდა „სპარტაკსა“ (1936–37) და „ოსნოვაში“ (1938–40). იყო საბჭოთა კავშირის საფეხბურთო ჩემპიონატის პრიზიორი. ითამაშა თბილისის, საქართველოს, ამიერკავკასიის, უკრაინის, დნეპროპეტროვსკის და ივანოვოს ნაკრებებში. არაერთი შეხვედრა ჩაუტარებია თავდასხმაში, მაგრამ ძირითადად ცენტრალური ნახევარმცველის ფუნქციას ასრულებდა.

სამწვრთნელო კარიერა დაიწყო ქალაქ ივანოვოში. იგი იყო მოთამაშე მწვრთნელი ივანოვოს „ოსნოვაში“, რომლის შემადგენლობაში 1940 წელს რსფსრ-ს თასი მოიგო.

იყო სამამულო ომის მონაწილე, სადაც დაიმსახურა მრავალი სამხედრო ჯილდო.

ომის შემდეგ ჟორდანია არაერთხელ იყო თბილისის „დინამოს“ მთავარი მწვრთნელი. მისი ხელმძღვანელობით გუნდი სამჯერ გახდა საბჭოთა კავშირის ჩემპიონატის ბრინჯაოს პრიზიორი და ორჯერ (1946, 1960) თასის ფინალში გავიდა. ამას გარდა, წარმატებით მუშაობდა სხვა ქართულ გუნდებთანაც. ავტორია წიგნისა „ფიქრები ქართულ ფეხბურთზე“.

მიღწევები

საკლუბო

• სსრ კავშირის ჩემპიონატის ვერცხლის პრიზიორი: 1931
• სსრ კავშირის ჩემპიონატის ბრინჯაოს პრიზიორი: 1924

ინდივიდუალური

• საბჭოთა კავშირის სპორტის დამსახურებული ოსტატი: 1947 № 354
• საბჭოთა კავშირის დამსახურებული მწვრთნელი: 1960

სამწვრთნელო

ოსნოვა ივანოვო

რსფსრ საფეხბურთო თასი

• თასის მფლობელი: 1940

დინამო თბილისი

საბჭოთა კავშირის ჩემპიონატი

• ბრინჯაოს პრიზიორი: 1946, 1947, 1959

საინტერესო ფაქტები

ანდრო ჟორდანიამ ქართული ფეხბურთის არაერთი ვარსკვლავი აღმოაჩინა და აღზარდა — გივი ჩოხელი, მიხეილ მესხი, მურთაზ ხურცილავა, სერგო კოტრიკაძე, შოთა იამანიძე, გურამ ცხოვრებოვი, გიორგი სიჭინავა, ვლადიმერ ბარქაია, გურამ პეტრიაშვილი, ზაურ კალოევი და სხვ. ქართული ფეხბურთის წინაშე უდიდესი დამსახურებისთვის ანდრო ჟორდანიას ქართული ფეხბურთის პატრიარქი უწოდეს.

გაზეთ „სარბიელის“ ინიციატივით, 1998 წელს გულშემატკივრებმა (გამოკითხვაში მონაწილეობა მიიღო 837-მა მკითხველმა) საქართველოს XX საუკუნის საუკეთესო ფეხბურთელი, მწვრთნელი და სიმბოლური ნაკრები დაასახელეს. გამოკითხვის შედეგად ანდრო ჟორდანია საქართველოს XX საუკუნის მეორე საუკეთესო მწვრთნელად დასახელდა.

„სახალხო გაზეთმა“ იგი დაასახელა XX საუკუნის საუკეთესო ქართველ მწვრთნელად, ნოდარ ახალკაცთან და ანატოლი ნორაკიძესთან ერთად.

1975 წლიდან დაწესდა მისი სახელობის თასის გათამაშება საქართველოს პირველობის მონაწილე საფეხბურთო გუნდებს შორის.

1974 წლიდან საქართველოს საუკეთესო ფეხბურთის მწვრთნელის ჯილდო ანდრო ჟორდანიას სახელობისაა.

ანდრო ჟორდანიას სახელობისაა თბილისის „დინამოს“ საწვრთნელი ბაზა, რომელსაც 2013 წლიდან მისივე ბარელიეფი ამშვენებს.

ბიბლიოგრაფია

• ჟორდანია, ანდრო., ფიქრები ქართულ ფეხბურთზე, თბ., 1976.

ლიტერატურა

• კაკაბაძე მ., ქართული საბჭოთა ენციკლოპედია, ტ. 8, თბ., 1984. — გვ. 255.
• თედორაძე, ზურაბ (2002). თბილისის „დინამო“ : ციფრები, ფაქტები, კომენტარები, 1936–1989. თბ.. 
• თედორაძე, ზურაბ (1999). თბილისის „დინამო“ ციფრებში, 1936–1989. თბ.: სტამბა–96. 
• Винокуров В. И.; Владимиров В.Г., Всё о футболе / Соскин А. М. (сост.), М.: ФиС, 1972. — გვ. 301. 448 გვ.
• Соскин А. М. (сост.), Всё о футболе. Страны. Клубы. Турниры. Футболисты. Тренеры. Судьи, М.: ФиС, 1972. — გვ. 301. 448 გვ.
• Торадзе, Гулбат., Футбол на всю жизнь, Тб.: Русский клуб, 2007. — გვ. 11, 23, 31, 65–67. 728 გვ, ISBN 99940-60-26-0.

პერიოდიკა

• თბილისის „დინამოს“ მწვრთნელები // „ლელო“, 8 აპრილი, 1978, № 69 (6134), გვ. 3.
• ცინცაძე, დურმიშხან., ზოგიერთი რამ ფეხბურთის მიღმა // „ლელო“, 16–19 მაისი, 2003, № 36 (11 697), გვ. 3.
• ნოზაძე, ო. არასოდეს ღალატობდა ალღო... // „ლელო“, 31 დეკემბერი, 1983, № 250 (7561), გვ. 3.
• ჯაფარიძე, ოთარ., დავუბრუნოთ ქართული ფეხბურთის ისტორიას დავიწყებული გუნდებისა და ფეხბურთელების სახელები // ჟურნ. „ათიანი“, იანვარი, 2015, № 70, გვ. 18–25.

რესურსები ინტერნეტში

• ანდრო ჟორდანია — თბილისის „დინამოს“ ოფიციალური საიტი
• ანდრო ჟორდანია — 110 — საქართველოს სპორტის და ახალგაზრდობის საქმეთა სამინისტრო

ლექსიკონები და ენციკლოპედიები

საქართველოს ბიოგრაფიული ლექსიკონი · ბიოგრაფიული ლექსიკონი

ფოტო	ციფრული ფოტომატიანე „ივერიელი“