ზვიად ნადარეიშვილი

ზვიად ნადარეიშვილი
დაბადების თარიღი	25 ნოემბერი, 1959
დაბადების ადგილი	აბაშა, საქართველოს სსრ, სსრკ
გარდაცვალების თარიღი	12 ოქტომბერი, 1992 (32 წლის)
გარდაცვალების ადგილი	ტყვარჩელი, აფხაზეთის არ, საქართველო
მოქალაქეობა	სსრკ →  საქართველო
განათლება	საქართველოს სუბტროპიკული მეურნეობის ინსტიტუტი
ეროვნება	ქართველი

ზვიად ნადარეიშვილი (დ. 25 ნოემბერი, 1959, აბაშა — გ. 12 ან 13 ოქტომბერი, 1992, ტყვარჩელი) — ქართველი პოლიტიკოსი, მრგვალი მაგიდის, ჰელსინკის კავშირის და საქართველოს პირველი მოწვევის უზენაესი საბჭოს წევრი. ხელი აქვს მოწერილი საქართველოს სახელმწიფოებრივი დამოუკიდებლობის აღდგენის აქტზე.

დაამთავრა საქართველოს სუბტროპიკული მეურნეობის ინსტიტუტი.

1983 წლიდან იყო გულრიფშის რაიონის დრანდის შრომითი სწავლების კომბინატის პედაგოგი. 1984 წლიდან იყო № 2 მოძრავი კოლონის მუშაკი. საქართველოს ჰელსინკის კავშირის ცხუმ-აფხაზეთის რეგიონული ორგანიზაციის გამგეობის წევრი. 1990-1991 წლებში იყო საქართველოს რესპუბლიკის უზენაესი საბჭოს წევრი, ხელი აქვს მოწერილი საქართველოს სახელმწიფოებრივი დამოუკიდებლობის აღდგენის აქტზე (1991 წლის 9 აპრილი).

დაიღუპა აფხაზეთის ომში. 1992 წლის 7 ოქტომბერს ტყვედ აიყვანეს სოფელ ტამიშთან მარლენ გახოკიძესთან და რამაზ გოგიასთან ერთად, 12/13 ოქტომბერს სამივე დახვრიტეს ტყვრაჩელში.

რესურსები ინტერნეტში

• ზვიად ნადარეიშვილი — საქართველოს პარლამენტის ოფიციალური საიტი
• ზვიად ნადარეიშვილი — საქართველოს ბიოგრაფიული ლექსიკონი