დურუჯის უღელტეხილი
თემა
დურუჯის უღელტეხილი | |
---|---|
კოორდინატები: 42°05′11″ ჩ. გ. 45°54′53″ ა. გ. / 42.08639° ჩ. გ. 45.91472° ა. გ. | |
ქვეყანა | საქართველო რუსეთი |
ტერიტორიული ერთეული | კახეთის მხარე დაღესტანი |
სიმაღლე | 2884 მ |
ქედი | კახეთის კავკასიონი |
ამგებელი ქანები | თიხაფიქალი და ქვიშაქვა |
დურუჯის უღელტეხილი — უღელტეხილი საქართველოსა და რუსეთის (დაღესტანი) საზღვარზე, ყვარლის მუნიციპალიტეტში.[1] მდებარეობს კახეთის კავკასიონის თხემზე, მდინარე დურუჯის სათავეში. სიმაღლე ზღვის დონიდან 2884 მ. აგებულია იურული თიხაფიქლებითა და ქვიშაქვებით. კალთები შემოსილია სუბალპური და ალპური მდელოებით. დურუჯის უღელტეხილი ყვარლის მუნიციპალიტეტს (ფოხალისთავის თხემისა და ჩელთის ხეობის გავლით) საცალფეხო გზით აკავშირებს სამურის აუზთან (დაღესტანი).[2]
სქოლიო[რედაქტირება | წყაროს რედაქტირება]
- ↑ ენციკლოპედია „საქართველო“, ტ. 2, თბ., 2012. — გვ. 514.
- ↑ საქართველოს გეოგრაფიული სახელების ორთოგრაფიული ლექსიკონი, თბ., 2009. — გვ. 61.