ნიზიბისის ზავი
ნიზიბისის ზავი ასევე ნიზიბისის პირველი ზავი — რომის და სასანიანების იმპერიებს შორის 299 წელს დადებული ზავი, რომლითაც დასრულდა 296-299 წლებში მიმდინარე რომაულ-სპარსული ომი. ხელშეკრულებით დადგენილი საზღვარი ფუნქციონირებდა 363 წლის ნიზიბისის მეორე ზავამდე.
ხელშეკრულება[რედაქტირება | წყაროს რედაქტირება]
ზელშეკრულება შეიცავდა შემდეგ შეთანხმებებს:
- რომის გავლენა გავრცელდა შემდეგ ხუთ სატრაპზე: ანგლი, სოფენი, აღძნიქი, კორდუენი და ზაბდიცენი.[1][2]
- ორ იმპერიას შორის საზღვრად დადგინდა ტიგროსი.
- სომხეთი გამოცხადდა რომის პროტექტორატად.
- იბერიის სამეფო გახდა რომის პროტექტორატი და რომის იმპერატორს მიეცა იბერიის მეფის დამტკიცების უფლება.
- ნიზიბისი გამოცხადდა ორ იმპერიას შორის ვაჭრობის ერთადერთ კანონიერ ადგილად.
შედეგები[რედაქტირება | წყაროს რედაქტირება]
ხელშეკრულების გაფორმების შემდეგ დიოკლეტიანემ დაიწყო რომის აღმოსავლეთ საზღვრის გაძლიერება. გაამაგრა ციხეები და გაზარდა ჯარის რაოდენობა.
მშვიდობა ორ იმპერიას შორის შენარჩუნდა 40 წელი სანამ 330-იან წლებში რომის ტერიტორიაზე არ შეიჭრა შაპურ II.[3][4]
სქოლიო[რედაქტირება | წყაროს რედაქტირება]
- ↑ Timothy David Barnes. Constantine and Eusebius.
- ↑ Beate Dignas. Rome and Persia in Late Antiquity: Neighbours and Rivals.
- ↑ "Peace of Nisibis." Encyclopædia Britannica. 2009. Encyclopædia Britannica Online. 17 April 2009
- ↑ Boardman, John et al (2005), The Cambridge ancient history, pp. 494-495. კემბრიჯის უნივერსიტეტის გამომცემლობა, ISBN 0-521-30199-8