ბადრი ბეგალიშვილი

ბადრი ბეგალიშვილი
ბადრი ბეგალიშვილი
დაბადების სახელი	ბაადურ ბეგალიშვილი
დაბადების თარიღი	5 აპრილი, 1933; ქუთაისი, საქართველოს სსრ
გარდაცვალების თარიღი	16 აპრილი, 2013 (80 წლის); თბილისი, საქართველო
საქმიანობა	მსახიობი
აქტიური	1951-2013
მეუღლე(ები)	ფატი ბელქანია; იზა ბოჭოიძე
შვილ(ებ)ი	ზურა; ალეკო; ბადრი

ბადრი (ბაადურ) ბეგალიშვილი (დ. 5 აპრილი, 1933, ქუთაისი, საქართველოს სსრ, სსრკ — გ. 16 მარტი, 2013, თბილისი) — ქართველი კინოსა და თეატრის მსახიობი. საქართველოს სსრ სახალხო არტისტი (1990).

ბიოგრაფია[რედაქტირება | წყაროს რედაქტირება]

დაიბადა 1933 წლის 5 აპრილს ქუთაისში, მარჯანიშვილის თეატრის მსახიობის ჭიჭიკო ბეგალიშვილის ოჯახში. იმ პერიოდში მარჯანიშვილის თეატრი ქუთაისში ფუნქციონირებდა და თბილისში გადმოვიდა, 3 წლის ბადრი ოჯახთან ერთად თბილისში გადმოვიდა საცხოვრებლად.^[1]

1951 წელს დაამთავრა თბილისის 35-ე ვაჟთა საშუალო სკოლა. სხვადასხვა დროს მუშაობდა: ზუგდიდის თეატრში (1958–1960), საქართველოს სახელმწიფო ფილარმონიაში (1960–1961), მარჯანიშვილის თეატრში (1961–1962). 1963 წლიდან მუშაობდა მუსიკალური კომედიის თეატრში.

ბადრი 27 წლის იყო, როდესაც პირველად დაოჯახდა, მომავალი მეუღლე, მსახიობი ფატი ბელქანია, მან ზუგდიდის თეატრში გაიცნო,^[2] თუმცა ოჯახი რამდენიმეწლიანი ურთიერთობის შემდეგ დაინგრა და მეორედ დაქორწინდა ასევე მსახიობ იზა ბოჭოიძეზე, რომელთანაც გარდაცვალებამდე იცხოვრა. მსახიობის სამივე ვაჟი, ასევე ცნობილი მსახიობები არიან — ზურა და ალეკო პირველი ქორწინებიდან და ბადრი მეორე ქორწინებიდან.

გარდაიცვალა 2013 წლის 16 მარტს თბილისში.

ფილმოგრაფია[რედაქტირება | წყაროს რედაქტირება]

1971: „წუთისოფელი“ რეჟისორები შოთა მანაგაძე, ნოდარ მანაგაძე
1972: „ჩარი რამა“ (ჭიპილია) რეჟ. ნიკოლოზ სანიშვილი
1973: „წკიპურტები“ რეჟ. რეზო ესაძე
1974: „ღამის ვიზიტი“ (აშნა ლომიკ) რეჟ. ნიკოლოზ სანიშვილი
1975: „ივანიკა და სიმონიკა“ (მონადირე) რეჟ. პავლე ჩარკვიანი
1975: „ერთი ნახვით შეყვარება“ რეჟ. რეზო ესაძე
1975: „ჩირიკი და ჩიკოტელა“ (ჩიკოტელა) რეჟისორები ლევან ხოტივარი, რამაზ (ბუბა) ხოტივარი
1976: „ქალაქი ანარა“ რეჟ. ირაკლი კვირიკაძე
1979: „კაცია ადამიანი?!“ (მოურავი) რეჟისორები სიკო დოლიძე, ქეთი დოლიძე
1981: „მე მოვედი“ (მღებავი) რეჟ: ალექსანდრე (ალეკო) ნინუა
1982: „ანდერძი“ რეჟ. ნანა დვალიშვილი
1982: „დიმიტრი II“ (ქოსა) რეჟ. რამაზ (ბუბა) ხოტივარი
1986: „ჩეგემური დეტექტივი“ რეჟ. ალექსანდრე (საშა) სვეტლოვი
1988: „ქველი“ (კეთილისმყოფელი) რეჟ. ვალერიან კვაჭაძე
1990: „თეთრი ბაირაღები“ (მოშიაშვილი) რეჟ. გრიგოლ (გიგა) ლორთქიფანიძე
1991: „პრემიერა“ რეჟ. გრიგოლ (გიგა) ლორთქიფანიძე
1992: „ზნედაცემული ანგელოზი“ რეჟისორები მამუკა კიკალეიშვილი, ლევონ უზუნიანი
1993: „ლეონარდო“ (ბენო) რეჟ. დავით ნაცვლიშვილი
1995: „დონ ჟუანის დაბადება“ (აღა) რეჟ. გიორგი კაჭარავა
1996: „შეყვარებული კულინარის 1001 რეცეპტი“ რეჟ. ნანა ჯორჯაძე
2003: „მშრალი ხიდის სიზმრები“ რეჟ. ნანა ჯანელიძე
2003: „ჭერი ანუ დაუმთავრებელი ფილმის მასალა“ რეჟ. რეზო ესაძე
2008: „მაცხოვრის საფლავზე ანთებული სანთელი“ რეჟ. რევაზ (რეზო) ჩხეიძე