ჰელმუთ ვეიდლინგი

მასალა ვიკიპედიიდან — თავისუფალი ენციკლოპედია
ჰელმუთ ვეიდლინგი 1943 წელს

ჰელმუთ ვეიდლინგი (გერმ. Helmuth Weidling; დ. 2 ნოემბერი, 1891, ალბერშტადტი — გ. 17 ნოემბერი, 1955) — გერმანული არმიის არტილერიის გენერალი. ბერლინის უკანასკნელი კომენდანტი.

დაიბადა 1891 წელს საქსონიის ქალაქ ალბერშტადტში, მედიცინის დოქტორის ოჯახში. მონაწილეობდა პირველ მსოფლიო ომში. 1914 წლიდან მართავდა დირიჟაბლს. 1915 წელს მიიღო ობერ-ლეიტენენტის წოდება. მოგვიანებით საჰაერო ფლოტის მეთაურიც გახდა. 1938 წლიდან პოლკოვნიკია.

მეორე მსოფლიო ომში იბრძოდა პოლონეთში, საფრანგეთსა და ბალკანეთში. 1945 წლის 2 მაისს ხელი მოაწერა კაპიტულაციას და ტყვედ ჩაბარდა საბჭოთა ჯარებს. საბჭოთა სასამართლომ მიუსაჯა 25 წლიანი პატიმრობა. გარდაიცვალა ვლადიმირის ციხეში 1955 წლის 17 ნოემბერს გულის უკმარისობით.

რესურსები ინტერნეტში[რედაქტირება | წყაროს რედაქტირება]