ჯორჯ V (ჰანოვერი)
| ჯორჯ V | |
|---|---|
| George V | |
 | |
| ჰანოვერის მე-5 მეფე | |
| მმართ. დასაწყისი: | 18 ნოემბერი 1851 |
| მმართ. დასასრული: | 20 სექტემბერი 1866 |
| წინამორბედი: | ერნესტ ავგუსტ I |
| მემკვიდრე: | სახელმწიფო გაუქმდა |
| პირადი ცხოვრება | |
| დაბ. თარიღი: | 27 მაისი 1819 |
| დაბ. ადგილი: | ბერლინი, პრუსიის სამეფო |
| გარდ. თარიღი: | 12 ივნისი 1878 |
| გარდ. ადგილი: | პარიზი, საფრანგეთის მესამე რესპუბლიკა |
| მეუღლე: | მარია საქსენ-ალტენბურგელი |
| შვილები: |
ერნესტ ავგუსტ II ფრედერიკე ჰანოვერელი მარია ჰანოვერელი |
| დინასტია: | ჰანოვერის დინასტია |
| მამა: | ერნესტ ავგუსტ I |
| დედა: | ფრიდერიკე ფონ მეკლენბურგ-შტრელიცი |
| ხელმოწერა: |
 |
ჯორჯ V (გერმ. Georg V.; დ. 27 მაისი, 1819, ბერლინი — გ. 12 ივნისი, 1878, პარიზი) — ჰანოვერის სამეფოს მეხუთე და ბოლო მეფე 1851–1866 წლებში. ჰანოვერის მეფე ერნესტ ავგუსტ I-ის და მეკლენბურგ-შტრელიცის პრინცესის, ფრიდერიკე ფონ მეკლენბურგ-შტრელიცის ვაჟი. ჯორჯ III-ის შვილიშვილი და დედოფალი ვიქტორიას ბიძაშვილი.
ბიოგრაფია[რედაქტირება | წყაროს რედაქტირება]
ჯორჯ V დაიბადა ბერლინში 1819 წლის 27 მაისს. მიიღო გერმანული აღზრა-განათლება. მან ბავშვობა გაატარა პრუსიასა და ლონდონში. 1833 წელს 14 წლის პრინცი ავადმყოფობისა და უბედური შემთხვევის შედეგად სრულიად დაბრმავდა. 1835 წელს ბიძამ, უილიამ IV-მ მას გაერთიანებული სამეფოს რაინდის ორდენის კავალერის წოდება მიანიჭა. მამის ჰანოვერის ტახტზე ასვლისა და გაერთიანებული სამეფოს დიდი უნიის დარღვევის შემდეგ 1837 წელს მიუხედავად ჯორჯის სიბრმავისა ის აირჩიეს ტახტის მემკვიდრედ. თუმცა იგი თავიდან უარზე იყო. 1851 წელს მამის გარდაცვალების შემდეგ გახდა ჰანოვერის მეფე და მემკვიდრეობით მიიღო გაერთიანებული სამეფოს ტიტულები (კამბერლენდის და ტევიოტდელის ჰერცოგი, არმაგის გრაფი).
სიბრმავე ჯორჯ V-ს ხელს არ უშლიდა ეწარმოებინა აქტიური პოლიტიკა, ლანდტაგთან კონფლიქტი და მფარველობა გაეწია მრეწველობისთვის. მან დააარსა მეტალურგიული ქარხნები, რომლებიც ჯორჯისა და მისი ცოლის, მარიას სახელს ატარებენ. ამ ქარხნების ირგვლივ შემდგომში აშენდა ქალაქი ჯორჯმარიენხუტი.
1866 წლის ავსტრო-პრუსო-იტალიური ომის დროს ჯორჯ V-მ ავსტრიის მხარე დაიჭირა. პრუსიის არმიამ მოახდინა ჰანოვერის სამეფოს ოკუპაცია და მალევე მთელი პრუსიის ანექსირება, ხოლო მეფე გადააყენეს. ჯორჯმა არ ცნო ეს გადაწყვეტილება და ჯერ ავსტრიაში, ხოლო შემდეგ საფრანგეთში ემიგრაციაში გადავიდა. ის გარდაიცვალა პარიზში და დაკრძალულია გაერთიანებული სამეფოს უინძორების ციხესიმაგრეში.
ოჯახი[რედაქტირება | წყაროს რედაქტირება]
1843 წელს დაქორწინდა მარია საქსენ-ალტენბურგელზე, რომელთანაც შეეძინა 3 შვილი.
- ერნესტ ავგუსტ II — ჰანოვერის პრინცი და კამბერლენდის ჰერცოგი.
- ფრედერიკე
- მარია
ჰანოვერების პრინცების პირდაპირი ხაზი დღემდე არსებობს.
რესურსები ინტერნეტში[რედაქტირება | წყაროს რედაქტირება]
| ||||||||
